भूगोलीय आँकड़ा आ जानकारी
भूगोलीय आँकड़ा आ जानकारी अइसन जानकारी होला जेह में कौनों न कौनों तरीका से बाकी बिसेसता सभ के साथ कौनों चीज के धरती पर लोकेशन[१] के बारे में भी जानकारी जरूर जुड़ल होखे। मने कि जवना चीज के बारे में जानकारी होखे, ओह चीज के लोकेशन भी आंकड़ा के हिस्सा होखे। परंपरागत रूप से अइसन आँकड़ा नक्सा के रूप में देखावल जात रहल।[२]
अइसन आँकड़ा सभ के अउरी कई नाँव से जानल जाला: जियोइन्फार्मेशन, जियोस्पेशियल डेटा, जियोरिफरेंस्ड डेटा, जियोकोडेड डेटा इत्यादि एकर प्रमुख नाँव बाने।
भूगोल आ भूसूचनाबिज्ञान में, जीआइएस में, एह आँकड़ा सभ के दू कंपोनेंट (घटक) में बाँटल जाला - स्पेशियल डेटा, आ एट्रीब्यूट डेटा। यानी भूगोलीय आँकड़ा के ऊ हिस्सा जवन लोकेशन के बारे में में जानकारी होखे स्थानिक आँकड़ा कहाला आ बाकी जानकारी आ लच्छन सभ के गैर-स्थानिक भा नॉन-स्पेशियल या एट्रीब्यूट डेटा कहल जाला।
एगो अनुमान के मोताबिक सरकारी आंकड़ा सभ के 90% हिस्सा अइसन होला जे में जगह के बारे में जानकारी जरूर होखे ले।[३]