मिर्जापुर
टेम्पलेट:Infobox settlement मिर्जापुर (टेम्पलेट:Lang-en) भारत के उत्तर प्रदेश राज्य में, दक्खिनी-पूरबी हिस्सा में एक ठो शहर बा। शहर गंगा नदी के दाहिने तीरे पर बसल बा आ एकरे आसपास पहाड़ी इलाका बाटे। एह पहाड़ी सभ पर कई गो मंदिर आ गुफा बाड़ीं जे हिंदू लोग पबित्र माने ला आ इहाँ पूजा-पाठ आ दर्शन करे आवे ला। इन्हना में सभसे परसिद्ध विंध्यवासिनी देवी के मंदिर बा के मिर्जापुर सहर से कुछे दूरी पर विंध्याचल में बाटे। कबो-कबो एह दुनों जगह के मिला के मिर्जापुर-बिंध्याचल के सड़मेंड़ एकही नाँव से भी जानल जाला।
मिर्जापुर शहर दिल्ली आ कलकत्ता दुनों से लगभग 650 किलोमीटर के दूरी पर बा; इलाहाबाद से ई लगभग 87 किलोमीटर पुरुब ओर आ बनारस से करीबन 67 किलोमीटर पच्छिम (तनिका दखिनाहुत) पड़े ला।
जनसांख्यिकी
साल 2011 के जनगणना[१] अनुसार मिर्जापुर के कुल शहरी जनसंख्या 2,34,871 बाटे आ आसपास के उपशहरी इलाका के मिला लिहल जाय तब कुल जनसंख्या 2,45,817 बा। जनसंख्या के हिसाब से ई भारत के 188वाँ शहर बाटे। जनगणना आँकड़ा के मोताबिक एह शहर में लिंगानुपात 870 आ साक्षरता के दर 76.47% बाटे।[१]