योसेमिटी झरना
टेम्पलेट:Infobox waterfall योसेमिटी झरना अमेरिका के योसेमिटी नेशनल पार्क में एगो प्राकृतिक झरना बाटे।[१] ई एह नेशनल पार्क के सभसे ऊँच झरना हवे जे एकदम ऊपर से नीचे के आधार तक ले कुल टेम्पलेट:Convert के ऊँचाई वाला बा जेह में तीन गो खंड (सीढ़ीदार) बाड़ें। भूगोलीय रूप से ई झरना आ नेशनल पार्क सिएरा नेवादा परबत श्रेणी के हिस्सा हवें आ अमेरिका के कैलिफोर्निया राज्य में पड़े लें।
ई अमेरिका के कुछ सभसे प्रमुख पर्यटन वाला जगह सभ में गिनल जाला आ बसंत रितु के अंत में इहाँ सभसे ढेर पर्यटक लोग आवे ला जब एह झरना में सभसे बेसी पानी के बहाव होखे ला।
खंड
एह सीढ़ीदार झरना में तर-ऊपर तीन गो खंड बाड़ें:
ऊपरी योसेमिटी झरना
एगो प्लंज प्रकार के झरना हवे जे टेम्पलेट:Convert ऊँच बाटे। ई योसेमिटी क्रीक के तेजी से बहे वाला पानी के ईगल क्रीक मीडो नाँव के हिस्सा से हो के बहे के बाद एगो खड़ा किनारा से नीचे गिरे से बने ला।एकर दृश्य सभसे खुबसूरत देख्लाई पड़े ला। ई हिस्सा तीनों खंड में सभसे बेसी ऊँचाई वाला हवे। एह ऊपरी झरना के ऊपर वाला हिस्सा आ निचला बेस वाला हिस्सा, दुन्नो जगह ले पहुँचे खातिर पगडंडी नियर रस्ता से हो के पैदल जाये के पड़े ला।
बिचला कैस्केड्स
बिचला हिस्सा कैस्केड प्रकार के झरना हवे जहाँ पानी चार गो प्लंज सभ में बँट के बहे ला आ झरना के प्रकार एही के चलते कैस्केड हो जाला। ई कैस्केड सभ बहुत सकेत गॉर्ज में बाड़ें आ घाटी में के ज्यादातर भ्यूप्वाइंट सभ से लउकबे ना करे लें। ऊपरी झरना ले जाए के पगडंडी वाला रस्ता सभ में कुछ जगह से इनहन के देखल जा सके ला। इनहन के ऊँचाई लगभग टेम्पलेट:Convert बाटे जे निचला हिस्सा के दुगुन्ना बा।
निचला योसेमिटी झरना
तीनों खंड में सभसे नीचे हवे जे टेम्पलेट:Convert ऊँचाई वाला हऽ। ई नीचे के घाटी से आसानी से देखल जा सके ला। एह हिस्सा के निचला बेस के बाद पानी मर्सेड नदी में जा के मिले ला। बेस के लगे बने वाला झरना कुंड (प्लंज) के आसपास के हिस्सा ऊपर से आ के गिरल आ एकट्ठा भइल पाथर सभ (टॉलस) के चलते आ नम सतह के चलते बिछलहर वाला आ खतरनाक हवे।
अपर योसेमिटी फाल्स (ऊपरी खंड)
बिचला कैस्केड्स
निचला योसेमिटी खंड
पर्यटन
योसेमिटी झरना ले पहुँचे खातिर योसेमिटी पार्क में मौजूद योसेमिटी लॉज़ ऍट दि फ़ाल्स नाँव के लॉज बाटे जहाँ रुकल जा[२] सके ला। एहिजा से झरना के निचला हिस्सा ले पगडंडी जाला।
संदर्भ
बाहरी कड़ी
- World of Waterfalls.com पर Yosemite Falls