वेब मैपिंग

स्मार्टफोन में खुलल वेब नक्शा वाला एप

वेब मैपिंग, चाहे वेब नक्शा निर्माण, भूगोलीय जानकारी सिस्टम (जीआइएस) के इस्तेमाल से बनल नक्शा सभ के वल्ड वाइड वेब पर ले आइल आ प्रस्तुत कइल हवे। वेब आधारित अइसन नक्शा बनावल खाली भर वेब कार्टोग्राफी के काम ना हवे बलुक एह में ई चीज भी सामिल बा कि नकसा में का देखावल जाय आ कइसे देखावल जाय ई कुछ हद तक बीछे के सुबिधा नक्शा पढ़े वाला के भी होला। कहे के मतलब कि वेब आधारित नक्सा कौनों फाइनल प्रोडक्ट ना हवे बलुक एह में उपभोक्ता के सहभागिता भी होला।

वेब जीआइएस आ वेब मैपिंग के अक्सरहा पर्यावाची के रूप में इस्तेमाल होला। वास्तव में वेब जीआइएस के मतलब बा वेब ब्राउजर के जरिये जीआइएस के डेटा तक पहुँचल आ एनालिसिस कइल आ अपना जरूरत आ पसऽन अनुसार नक्सा बनावल।

कई गो वेब मैपिंग सर्विस उपलब्ध बाड़ी स आ इनहन में से कुछ फिरी भी बाड़ी सऽ जइसे कि ओपनस्ट्रीटमैप (OSM) इत्यादि, आ लाइसेंस के साथ इस्तेमाल होखे वाला सॉफ्टवेयर भी बाने जइसे कि आर्कजीआइएस। वर्तमान में वेब मैपिंग के बिकास (इवोल्यूशन) के दसा-दिसा निश्चित करे वाला प्रमुख चीजन में अइसन मैपिंग के क्वालिटी, इस्तेमाल करे में सुबिधान, सामाजिक सुबिधा आ कानूनी सीमा इत्यादि तत्व मिल के काम क रहल बाने।

अउरी पढ़े लायक

• Rambaldi G, Chambers R., McCall M, And Fox J. 2006. Practical ethics for PGIS practitioners, facilitators, technology intermediaries and researchers. PLA 54:106-113, IIED, London, UK
• Gaffuri J, 2012. Toward web mapping with vector data. Vol. 7478 of Lecture Notes in Computer Science. Springer, Ch. 7, pp. 87–101. DOI:10.1007/978-3-642-33024-7_7
• Feldman, S 2010. History of Web Mapping - slide deck and History of Web Mapping - mind map