समुंद्री धारा
समुंद्री धारा चाहे महासागरीय धारा (टेम्पलेट:Lang-en), समुंद्र के पानी के लगातार आ निश्चित दिसा में होखे वाला बहाव हवे। ई कई किलोमीटर चाकर धारा के रूप में होखे ला आ बहुत दूर तक ले जाला। एकरे पाछे मूल कारण समुंद्र में ऊर्जा के बितरण के बराबर करे खातिर होखे वाला संचलन हवे। डाइरेक्ट कारण के बा कइल जाय तब, समुंद्र में तापमान, नमकीनियत, पानी के घनत्व इत्यादि में अंतर; हवा के बहाव के परभाव, तरंग सभ के टूटे के परभाव आ महादीप आ दीप सभ के मौजूदगी से एह धारा सभ के चाल आ दिशा परभावित होखे ले।
इनहन के वर्गीकरण गर्म आ ठंडा धारा के रूप में कइल जाला। आमतौर पर ध्रुवी इलाका से भूमध्यरेखा के ओर बहे वाली धारा सभ के पानी बह के जवना इलाका में चहुँपे ला ओह इलाका के अपना आसपास के पानी से ठंढा होखे ला। इनहन के ठंढा धारा कहल जाला। एकरे बिपरीत भूमध्य रेखा के इलाका से ध्रुव के ओर बहे वाली धारा सभ गर्म धारा होखे लीं।
बैस्विक रूप से ई धारा सभ ऊर्जा के स्थानांतरण के हिस्सा हईं। इनहन से बैस्विक कन्वेयर बेल्ट बने ला जे समुंद्र में ऊर्जा के बितरण बराबर करे ला। एकरे अलावा जहाँ ई धारा बहे लीं उहाँ आसपास के इलाका के जलवायु पर आपन परभाव डाले लीं। समुंदरी परिवहन (जहाज यात्रा) आ मछरी पकड़े के इंडस्ट्री पर भी इनहन के परभाव पड़े ला।
कुछ प्रमुख समुंद्री धारा संपादन करीं
संदर्भ संपादन करीं
बाहरी कड़ी संपादन करीं
- RSMAS Ocean Surface Currents
- Coastal Ocean Current Monitoring Program
- Ocean Motion and Surface Currents
- Data Visualizer from OceanMotion.org
- ocean currents map