सयौं थुँगा फूलका

सयौं थुँगा फूलका (टेम्पलेट:Lang-ne "सैयन गो फूल हमनी के") नेपाल के एगो राष्ट्रीय गीत ह। ई आधिकारिक तौर पर 3 अगस्त 2006 के राष्ट्रीय गीत के रूप में अपनावल गईल, ई राष्ट्रीय योजना आयोग द्वारा रखल गईल एगो समारोह के बीच, सिंह दरबार के सम्मेलन हॉल में अंतरिम संसद के सभामुख श्री शुभाष नेमवांग द्वारा उद्घोष के साथ अपनावल गईल। पिछलका, राष्ट्रीय गान, 1962 में अपनावल गइल रहल, लेकिन राजतंत्र खतम होखला के बाद पिछलका गाना के जगह पर नया गाना अपनावल गईल।

गीत के बोल प्रदीप कुमार राई द्वारा लिखल गईल रहल, उनकर उपनाम ब्याकुल माइला ह। संगीत स्वर्गीय अम्बर गुरुंग द्वारा रचल गईल रहल। राष्ट्रीय गीत में साधारणतया नेपाली संप्रभुता, एकता, साहस, गौरव, दर्शनीय सुन्दरता, प्रगति, शांति, सांस्कृतिक आ भौगोलिक विविधता आ आदर के बारे में उल्लेख करल गईल बा। अगस्त 2016 में, बीबीसी नेपाली राष्ट्रीय गीत के रियो 2016 के सूची में 3रा स्थान पर रखले रहे: दूसर गाना से तुलना के हवाला देते हुए ए के सभन से अद्भुत बतवलस।

बोल

नेपाली बोल	भोजपुरी बोल
सयौं थुँगा फूलका हामी, एउटै माला नेपाली सार्वभौम भै फैलिएका, मेची-महाकाली। प्रकृतिका कोटी-कोटी सम्पदाको आंचल वीरहरूका रगतले, स्वतन्त्र र अटल। ज्ञानभूमि, शान्तिभूमि तराई, पहाड, हिमाल अखण्ड यो प्यारो हाम्रो मातृभूमि नेपाल। बहुल जाति, भाषा, धर्म, संस्कृति छन् विशाल अग्रगामी राष्ट्र हाम्रो, जय जय नेपाल।	सैयन गो फूल हमनी के, एके गो माला नेपाली सार्वभौम होके फैलल बानी जा, मेची से महाकाली प्रकृति के कोटि-कोटि सम्पदा के आंचल, वीर कुल के रक्त से, स्वतंत्र आ अटल ज्ञानभूमि, शांतिभूमि तराई, पहाड़, हिमाल अखंड ई प्यारा हमार मातृभूमि नेपाल बहुल जाती, भाषा, धर्म, संस्कृति बा विशाल अग्रगामी राष्ट्र हमार, जय जय नेपाल!

भोजपुरी में अर्थ

सैयन गो फूल हई जा हमनी के, एके गो माला नेपाली के स्वतंत्र होके फैलल बानी जा मेची से महाकाली तक प्राकृत के सम्पति के आंचल असीमित बा एहिजा बिर लोग के खून से ई देश स्वतंत्र आ अटल बा ई ह ज्ञानभूमि, शांतिभूमि जँहवा बा तराई, पहाड़ आ हिमालय अभाज्य आ हमनी के प्यारा भूमि, ई ह हमनी के मातृभूमि नेपाल एहिजा बहुत तरह के जात-जाति के लोग बा, बहुत तरह के भाषा बा, कई धर्म के लोग बा, एहिजा के संस्कृति विशाल बा, ई हमनी के देश अग्रगामी बा (प्रगति के पथ पर बढ़ रहल बा), आव लोग सभे मिल के नेपाल के जयकार करल जाव!

इहो देखल जाय

• जन गण मन

बाहरी कड़ी

• यूट्यूब पर सुनीं।