सलमान रुश्दी

टेम्पलेट:Infobox writer सर अहमद सलमान रुश्दी (जनम 19 जून 1947) भारतीय मूल के ब्रिटिश लेखक बाड़ें। इनके दूसरा उपन्यास मिडनाईट चिल्ड्रेन (1981) के 1981 में बुकर पुरस्कार मिलल आ एह पुरस्कार के बिजेता उपन्यासन में सभसे बेहतरीन होखे के उपलब्धी भी गिनावल गइल। इनके लिखल जादातर उपन्यास भारतीय उपमहादीप के परिवेश में कहानी वाला होखे लें। इनका उपन्यासन में जादुई यथार्थवाद आ इतिहासी गल्प के मिलजुल रूप होला। पच्छिमी आ पूरबी संभ्यता के बीचा में कनेक्शन, डिजरप्शन इत्यादि इनके कथा के बिसय होला।

इनके चउथा उपन्यास सैटनिक वर्सेस (1988) बहुत बिबाद में आइल आ एकरा बिरोध में कई देसन के मुसलमान लोग प्रदर्शन कइल। मौत के धमकी दिहल गइल आ ईरान के सुप्रीम नेता अयातुल्लाह रूहएल्लाह खोमैनी द्वारा इनके मौत के फ़तवा जारी कइल गइल। ब्रिटिश सरकार इनका के सुरक्षा में रखलस।

साल 2000 के बाद से ई यूनाइटेड स्टेट्स में रह रहल बाड़ें।