हरनाज़ संधू

भारतपीडिया से
Jump to navigation Jump to search

टेम्पलेट:Infobox pageant titleholder हरनाज़ कौर संधू (जनम 3 मार्च 2000) एगो भारतीय मॉडल आ ब्यूटी पैजेंट धारक बाड़ी जिनका 2021 के मिस यूनिवर्स के खिताब मिलल बा। एकरा पहिले इनके मिस दीवा 2021 क खिताब मिलल रहल आ अब ई भारत के तिसरी मॉडल बन गइल बाड़ी जिनका के मिस यूनिवर्स के खिताब मिलल होखे; लारा दत्ता के मिस यूनिवर्स बने के 21 बरिस बाद भारत के केहू प्रतियोगी के ई खिताब मिलल बाटे।[१]

एकरा पहिले संधू 2019 में फ़ेमिना मिस इंडिया पंजाब के ख़िताब जितले रहली आ 2019 के फ़ेमिना मिस इंडिया प्रतियोगिता में टॉप-12 में रहली।

शुरुआती जिनगी[संपादन करीं | स्रोत संपादित करीं]

संधू के जनम गुरुहरसराय में एगो हरियाणवी सिख परिवार में भइल।[२] शुरुआती पढ़ाई-लिखाई एहिजे एगो पब्लिक इस्कूल में भइल आ एकरे बाद चंडीगढ़ के गवर्नमेंट पीजी कॉलेज से भइल। वर्तमान में ई पब्लिक एडमिनिस्ट्रेशन बिसय में मास्टर डिग्री के पढ़ाई क रहल बाड़ी।[३]

मिस यूनिवर्स 2021[संपादन करीं | स्रोत संपादित करीं]

टेम्पलेट:Main मिस दीवा 2021 बने के बाद संधू के मिस यूनिवर्स 2021 प्रतियोगिता में शामिल होखे आ भारत के प्रतिनिधित्व करे के बात तय हो गइल।[४] ई कंपटीशन 12 दिसंबर 2021 के इजराइल के एलात शहर में आयोजित भइल।[५] संधू एह प्रयोयोगिता में जीते के बाद भारत के तिसरी अइसन मॉडल बन गइली जे मिस यूनिवर्स के खिताब जितले होखे; इनका पहिले सुष्मिता सेन 1994 में आ लारा दत्ता 2000 में ई खिताब जितले रहल लोग। एह तरीका से 21 बरिस बाद केहू भारतीय मॉडल के ई खिताब मिलल बाटे।[६][७][८]

मिस यूनिवर्स के रूप में, संधू न्यूयॉर्क शहर में रहिहें आ साल भर कई गो अंतर्राष्ट्रीय इवेंट सभ में हिस्सा लिहें। टेम्पलेट:Clear

संदर्भ[संपादन करीं | स्रोत संपादित करीं]

टेम्पलेट:Reflist