हेनिपावाइरस

टेम्पलेट:Taxobox हेनिपावाइरस (Henipavirus) एक किसिम के आरएनए वायरस बाटे जे जीव बिग्यानी बर्गीकरण में पैरामाइक्सोवाइरीडाई वाइरस परिवार में आवे ला, आ इनहन के कुल (ऑर्डर) मोनेगावाइरालेस हवे। एकर पाँच गो प्रजाति के चीन्हन जा चुकल बाटे। ई वाइरस सभ प्राकृतिक रूप से फल खाए वाला चमगादुर सभ में पावल जालें। इनहन के मुख्य लच्छन सभ में लमहर जीनोम सभसे प्रमुख बा। इनहन के इन्फेक्शन से घरेलू जानवर आ मनुष्य सभ के बेमार होखे आ मौत होखे के भी संभावना होले।

मई 2018 में निपाह वाइरस इन्फेक्शन के भारत के केरल राज्य में फइले के खबर आइल आ कई लोग के मौत होखे के रपट मिलल। हिमाचल प्रदेश में मुर्दा चमगादुर मिले के कारन एकरे प्रकोप फइले के खतरा खाती भी सतर्कता के खबर आइल। धियान देवे वाली बात ई बा कि निपाह वाइरस, हेनिपावाइरस जाति के एगो प्रजाति हवे जे प्राकृतिक रूप से चमगादुर सभ में रहे ला आ सभसे पहिले एकरा के मलेशिया के निपाह नाँव के जगह पर चिन्हित कइल गइल रहल, 1998 में ई उहाँ फइलल रहे आ काफी लोग के मौत भइल रहे।

इहो देखल जाय

• निपाह वाइरस इन्फेक्शन