अनुकूलतम जनसंख्या

जनसंख्या आ कुल मिले वाला आउटकम के बीचा के संबंध देखावत ग्राफ

कौनों भी देस चाहे इलाका में, अनुकूलतम जनसंख्या (टेम्पलेट:Lang-en) ओह स्थिति के कहल जाला जब ओह देस भा इलाका कऽ संसाधन सभ के तुलना में ब्यक्ति लोग के संख्या (मने कि जनसंख्या) संतुलन के इस्थिति में रहे ले। यानी कि ई जनसंख्या के अइसन साइज होला जे चुनल गइल टारगेट सभ खातिर सभसे बेहतरीन रिजल्ट देवे ला।

एगो अन्य परिभाषा के अनुसार जनसंख्या के अइसन साइज जे दिहल गइल दशा सभ में सभसे ढेर प्रति ब्यक्ति इनकम सुनिश्चित करे, उहे ऑप्टिमम जनसंख्या होला। वास्तव में ई अंडरपापुलेशन आ ओभरपापुलेशन के स्थिति सभ के बीचोबीच के बैलेंस वाली इस्थिति हवे। अंडर पापुलेशन के मतलब होला कि संसाधन के इस्तेमाल भरपूर होखे भर के जनसंख्या ना बा आ कुल इनकम एकरे चलते कम बाटे; ओहीजे ओभर पापुलेशन के मतलब ई कि जनसंख्या अतना बेसी बा कि संसाधन पर दबाव बा आ कुल इनकम जादे लोग में बंटा जाए के कारन हर एक आदमी के इनकम कम बाटे।