करिया फंगस (कोविड-19 अवस्था)

एगो 47 बरिस के अदिमी, करिया फंगस रोग संगे आ ओकर चाम के इलेक्ट्रॉन माइक्रोग्राफ

कोविड-19 के चलते भइल म्यूकोर्मिकोसिस जेकरा करिया फंगस (अंगरेजी: Black Fungus; ब्लैक फंगस) नांव से जानल जाता एक प्रकार के म्यूकोर्मिकोसिस हऽ जवन की कोविड-19 से जुड़ल बा। ई आँखि, नाक आ दिमाग मे होला। ई एगो संक्रामक चाहे एक बेकत से दोसर मे फैले वला रोग नइखे।

ई अवस्था बहुते काम आवेला। मई 2021 मे भइल शोधन के एगो व्यवस्थित समीक्षा 8 मामलन के पहचान कइलस। शुगर के मरीजन के एकरा से बेसी खतरा बाटे। सभ मरीजन के ई रोग अस्पताल मे अइला के बाद भइल। 8 गो मे से 7 गो रोगी एकरा से मु गइल लोग।

कोविड के चलते भइल करिया फंगस से बेसि लोग भारत मे परभावित भइल बा। रुसो मे ई बेमारी देखे के मिलल बा। भारत मे एकर एतना मामला सोझा आवे के एगो कारन कोरोना संक्रमण आ मधुमेह (सुगर) के अधिक दर बा। मई 2021 मे, इंडियन काउंसिल ऑफ मेडिकल रिसर्च कोरोना से जुड़ल म्यूकोर्मिकोसिस के चिन्हे आ ओकर इलाज करे बदे दिशा-निर्देश जारी कइलस।

एकर हाली-हाली बढ़त संख्या के चलते, 19 मई 2021 के राजस्थान सरकार एकरा मारी घोसीत कई दिहलस। राजस्थान संगे तेलंगाना, हरियाणा, तमिल नाडू, गुजरात आ बिहारो मे एकरा मारी घोसीत कई दिहल गइल बा।