कुंडली

कुंडली में बने वाला जन्मांग चक्र, उत्तर भारतीय इस्टाइल।

आधुनिक चक्र, नया सहस्राब्दी खातिर बनावल गइल।

कुंडली (जनमपत्री भा जन्मांग, अंगरेजी: Horoscope) कौनों समय पर आकास में सुरुज, चंद्रमा, ग्रह इत्यादि के पोजीशन के बिबरन देखावे वाला चित्र भा चार्ट होला, खास तौर से ई केहू के जनम के समय के आकासीय स्थिति खातिर बनावल जाला जवना से की ओह ब्यक्ति के जिनगी के घटना सभ के बारे में अनुमान लगावल जा सके। जनम कुंडली के अलावा, साल अनुसार फल बतावे खाती वर्ष कुंडली इत्यादि भी बनावल जाला।

कुंडली में आकाश के बाहर हिस्सा में बाँट के, हर हिस्सा के अलग-अलग खाना में चित्रित कइल जाला आ ओह हिस्सा में मौजूद ग्रह (भारतीय ज्योतिष में एह में सुरुज, चंद्र आ राहु-केतु के सामिल कइल जाला जे वर्तमान परिभाषा अनुसार ग्रह ना हवें) के स्थिति देखावल जाला।

कुंडली के रचना, फलित ज्योतिष के सिद्धांत अनुसार फलादेश (फल बिबेचल) करे खाती कइल जाला हालाँकि, फलित ज्योतिष के बिज्ञान (साइंस) ना मानल जाला आ एकरा आधार पर सही फल बतावल जा सके अइसना चीज के कौनो साइंटिफिक परमाण नइखे खोजल जा सकल।टेम्पलेट:Rp आधुनिक साइंटिफिक चिंतनफलक में, अइसन कौनों मालुम संबंध नइखे खोजल जा सकल जेकरे आधार पर ई मानल जाय की केहू ब्यक्ति के जनमले के समय आकास में ग्रह इत्यादि के स्थिति से ओकरे जिनगी पर कौनों परभाव पड़त होखे। जेतना भी टेस्ट अबले कइल गइल बाने, अध्ययन के बिसय के रूप में बीछल लोगन के कंट्रोल ग्रुप बना के अध्ययन कइल गइल बा, आ एह बात के कौनों सबूत नइखे मिलल की जिनगी के घटना आ कुंडली के फलादेस के बीच में बाई चांस समानता होखे से ज्यादा कुछ होखे के संभावना बा।