कूलर बक्सा
कूलर बक्सा, जेकरा के कबो कभार खाली कूलर (टेम्पलेट:Lang-en) कहल जाला, अइसन बाकस होला जेह में खाए पिए वाला सामान के देरी ले ठंढा रखल जा सके ला। आमतौर पर ई प्लास्टिक के बनल होला आ एकरे मोट देवाल में थर्मोकोल के मोट परत होला जवना से की एह देवाल से होके गरमी के आवाजाही ना हो सके। एह तरीका से ई गरमी खाती इन्सुलेट देवाल वाला होला। अंदर ठंडा रखे खाती बरफ, बरफ के क्यूब (आइस क्यूब्स) चाहे आइस पैक रख दिहल जाला। कुछ एडवांस कूलर बक्सा सभ के देवाल में अइसन जेल भरल जाला जे एक बेर ठंढा हो जाए पर जल्दी से गरम ना होलें आ अंदर के ठंढक के मेंटेन रखे लें।
कूलर बक्सा सभ के इस्तेमाल खाए पिए वाला सामान के देरी ले ठंढा रखे, दुकान में अइसन सामान बेचे खातिर देरी ले ठंढा रखे, चाहे एक जगह से दुसरे जगह ले जाए खातिर होला। लोग एह बक्सा सभ के ले के बाहर पिकनिक मनावे आ आउटिंग पर भी जाला। कई बेर अइसन दवाई चाहे टीका वाली सुई के दवाई भी एह बक्सा में रख के सहेजल जाला आ टीका लगावे वाला लोग एही बक्सा में रख के ई दवाई ले के घूमे ला आ टीकाकरण करे ला।
एकर अउरी नाँव आइस बाक्स (टेम्पलेट:Lang-en), आइस चेस्ट, कूल बॉक्स इत्यादि हवे। न्यूजीलैंड में एकरा के चिली बिन (chilly bin) आ ऑस्ट्रेलिया में एस्की (esky) कहल जाला।
गैलरी[संपादन करीं | स्रोत संपादित करीं]
-
अमेरिकी नेवी के एगो सदस्य जे रेड क्रास खातिर वालंटियर बाड़ी, एह कूलर बक्सा सभ में दवाई भरल बा जे दुसरे जगह ले जाइल जा रहल बाटे।
-
एगो कूलर बक्सा जेकरा के पहिया पर आराम से डगरा के ले जाइल जा सके ला।
-
पानी के ठंढा रखे खाती जवन बक्सा डिजाइन होलें उहो कूलर बक्सा के एगो रूप हवें। इनहन में अउरी कवनों पिए वाला ठंढा भी रखल जा सके ला।
