बसई झील

टेम्पलेट:Infobox settlement बसई झील भारत के राजधानी दिल्ली से कुछ दूरी प, हरियाणा के गुड़गाँव तहसील में एगो झील बा। एकर नाँव लगहीं मौजूद बसई गाँव के नाँव पर पड़ल बा। झील के परसिद्धि के कारन इहाँ आवे वाली चिरई सभ बाड़ी सऽ जे में कई गो अइसन प्रजाति के चिरई बाड़ी सऽ जिनहन प बिलुप्त होखे के खतरा भी मेंड़रा रहल बा। एही कारन ई झील एगो 'महत्व वाला चिरई जीवबिबिधता एरिया' (आईबीए) के रूप में चिन्हित कइल गइल बा, आ ई बैस्विक संरक्षण खाती महत्व के झील बा काहें कि इहाँ कई गो, खतरा में आवे वाली प्रजाति के चिरई निवास करे लीं भा सीजन अनुसार आवे लीं।

झील के लोकेशन दिल्ली से लगभग 40 किलोमीटर के दूरी प बाटे।

जून 2018 में ई खबर में आइल, कारण रहल एगो लोहजंघा (ब्लैक नेकेड स्टॉर्क) इहाँ देखल गइल जेकरे ठोर में प्लास्टिक के गोली (संभवतः बोतल के ढक्कन) फँस गइल रहे आ एकरा के बचावे खाती पक्षी प्रेमी लोग अभियान चलावल।