मानसबल झील

टेम्पलेट:Infobox lake मानसबल झील भारत के जम्मू काश्मीर में साफ पानी के एगो झील बाटे। ई गांदरबल जिला में पड़े ले आ राजधानी श्रीनगर से लगभग 30 किलोमीटर के दूरी पर बाटे। झील के सतही रकबा लगभग 1 वर्ग मील (2.8 वर्ग किलोमीटर) बाटे आ गहिराई 43 फीट (13 मीटर) बा।

झील के पानी के आगम आसपास के छोट नाला आ बरफ के पघिलाव हवे जबकि एकर निकास झेलम नदी में होला। झील के किनारे-किनारे कमल के फूल फुलालें आ एह झील के प्रमुख आकर्षण हवें। एकरे अलावा चिरई निहारे खाती ई झील बहुत नीक जगह हवे जहाँ कई किसिम के पनिहा चिरई देखल जा सके लीं। एकरे तीरे झरोखा नाँव के मुगल बाग बा जे नूरजहाँ के बनवावल हवे।

झील के नाँव के बारे में मानल जाला कि ई तिब्बत वाली मानसरोवर झील के नाँव पर रखल गइल हवे।