मोटापा
टेम्पलेट:Infobox medical condition मोटापा एक तरह के बेमारी हवे जेह में शरीर में चर्बी के मात्रा अतना बढ़ जाय कि सेहत पर एकर नकारात्मक परभाव पड़े लागे। आमतौर पर मोटापा के गणना करे खाती बॉडी मास इंडेक्स (बीएमआइ) के इस्तमाल कैल जाला जे शरीर के वजन आ लंबाई से गुणा-भाग कऽ के निकालल जाला। आदमी के वजन (किलोग्राम में) के ओकरे लंबाई (मीटर में) के वर्ग से भाग देवे पर बीएमआइ के वैलू मिले ला आ अगर ई 30 किग्रा/मी2 से अधिका आवे तब ब्यक्ति के मोटापा के शिकार मानल जाला; 25 से 30 किग्रा/मी2 के रेंज के ओभरवेट मने की अधिका वजन कहल जाला। मोटापा के परभाव के बात कइल जाय तब ई कई बेमारी सभ के कारन बन सके ला जइसे कि दिल के बेमारी (कार्डियोवेस्कुलर), शुगर (टाइप टू डायबिटीज), आ कुछ किसिम के कैंसर, ऑस्टियोआर्थेराइटिस आ डिप्रेसन होखे के संभावना बढ़ जाले।
मोटापा के प्रमुख कारन सभ में बेसी खाइल, शारीरिक मेहनत के ना होखल आ जेनेटिक (बंस परंपरा में मिलल) कारन हो सके लें।