राजघाट पुल

टेम्पलेट:Infobox bridge मदन मोहन मालवीय पुल, जेकरा लोग राजघाट पुल के नाँव से जाने ला, उत्तर प्रदेश के बनारस शहर में गंगा नदी पर बनल दुतल्ला पुल बाटे जेह पर रेल आ सड़क आवागमन होला। एकर पुराना नाँव डफरिन ब्रिज हवे। 1887 में बन के पूरा भइल ई पुल अवध एंड रोहिलखंड रेलवे द्वारा बनावल गइल। ई बनारस के मुगलसराय से जोड़े ला। नगीचे मौजूद राजघाट के नांव पर आम लोग एकरा के एही नाँव से जाने ला। एकरे लगे मौजूद रेलवे इस्टेशन काशी के नाँव पर एकरा के काशी पुल भी कहल जाला। एकरे ऊपरी डेक पर से सड़क गुजरे ले आ ई ग्रैंड ट्रंक रोड हवे जे इहाँ गंगा नदी के पार करे ला। 1948 में एकर नाँव बदल के मालवीय पुल क दिहल गइल।