संसदीय ब्यवस्था
संसादीय ब्यवस्था (टेम्पलेट:Lang-en) राज्य के लोकतांत्रिक शासन के एगो ब्यवस्था होला जेह में कार्यपालिका आपन लोकतांत्रिक अधिकार बिधायिका (संसद) से ग्रहण करे ले आ संसद के प्रति जिम्मेवार होले। संसदीय बेवस्था में, आमतौर पर, राज्याध्यक्ष, सरकार के मुखिया से अलग केहू दूसर बेकती होला। ई राष्ट्रपति ब्यवस्था के ठीक उलट बाटे जहाँ राज्याध्यक्ष आ सरकार के मुखिया एकही ब्यक्ति होला, आ सभसे जरूरी बात ई कि कार्यपालिका आपन लोकतांत्रिक बैधानिकता बिधायिका से ना ग्रहण करे ले।
संसदीय ब्यवस्था वाला देस भी संबैधानिक राजतंत्र हो सके लें। अइसन स्थिति में राज्य के प्रमुख (राज्याध्यक्ष) एगो राजा भा रानी होला आ सरकार के प्रमुख प्रधानमंत्री (या अइसने कौनों पदवी) होला।
कुछ देस अइसन भी बाड़ें, जइसे की बोत्स्वाना, दक्खिन अफिरका आ सूरीनाम; जहाँ सरकारे के मुखिया राज्य के भी मुखिया होला बाकिर ऊ चुनल जाला आ बिधायिका के प्रति जिम्मेवार होला।