सेंट ग्रेगरी दि इलुमिनेटर कैथेड्रल, येरेवन

टेम्पलेट:Infobox religious building सेंट ग्रेगरी दि इलुमिनेटर कैथेड्रल (टेम्पलेट:Lang-en), जेकरा के खाली येरेवन कैथेड्रल के नाँव से भी जानल जाला, दुनिया के सभसे बड़ आर्मीनियाई एपोस्टली चर्च बाटे। ई आर्मीनिया के राजधानी येरेवन के बिचला हिस्सा केंत्रान डिस्ट्रिक्ट में बाटे। ई दक्खिनी कॉकेशस इलाका के सभसे बड़ा धार्मिक बिल्डिंग सभ में गिनल जाला। जनरल एंद्रानिक मेट्रो इस्टेशन के बगल में मौजूद ई चर्च येरेवन शहर के कई हिस्सन से आसानी से देखलाई पड़े ला।

इतिहास[संपादन करीं | स्रोत संपादित करीं]

एह कैथेड्रल के निर्माण कैथोलिकोस पहिला वाज़जेन (Vazgen I) के कोसिस से भइल। निर्माण के सुरुआत 7 अप्रैल 1997 के शुरू भइल आ एकरे जमीन आशीष (एक किसिम के भूमि पूजा) के काम कैथोलिकोस पहिला कारेकिन (Karekin I) द्वारा कइल गइल।^[१] बिल्डिंग के डिजाइन आर्किटेक्ट स्तेपान कुर्कच्यान (Stepan Kurkchyan) द्वारा तईयार कइल गइल आ ई 2001 में बन के पूरा भइल।

इहाँ धार्मिक पूजा के सुरुआत (कौंसीक्रेशन) 23 सितंबर 2001 के भइल जे आर्मेनिया के ईसाई राज्य घोषित होखे के 1700वीं बरसी रहल।^[१] एह कैथेड्रल में संत ग्रेगरी दि इलुमिनेटर के आ संत ग्रेगरी के इटली के नेपल्स से ले आइल अवशेष (रेलिक्स) रखल गइल बाटे। अहिजा धार्मिक पूजा-प्रार्थना के सुरुआत के कुछे समय बाद दूसरा पोप जॉन पॉल (Pope John Paul II) इहाँ आइल रहलें।^[२]

आर्किटेक्चर[संपादन करीं | स्रोत संपादित करीं]

ई बिसाल कैथेड्रल तीन गो चर्च से बनल हवे: कैथेड्रल (मेन चर्च) में 1700 सीट बाटे जबकि साइड वाला चर्च चैपल ऑफ़ सेंट तिरिदातेस दि किंग (St. Tiridates the King) आ सेंट आश्खेन दि क्वीन (Saint Ashkhen the Queen) दुनों में 150 सीटन के बेवस्था बाटे। ई दुनों राजा-रानी लोग सभसे महत्वपूर्ण लोग रहे जे आर्मेनिया के ईसाई बनावे में संत ग्रेगरी के मदद कइल। बेलफ्राई टावर (जेह में 30 से बेसी आर्च बा) आ सामूहिक कोर्ट कैथेड्रल के दुआर पर मौजूद बाड़ें। रिसेप्शन आ चर्च-संबंधी कामकाज खातिर बेवस्था मेन चर्च के निचला तल्ला पर बाटे।

एह पूरा परिसर के रकबा लगभग 3,822 वर्गमीटर बाटे, आ जमीन से ले के टावर पर मौजूद सलीब (क्रॉस) तक ले एकर ऊँचाई 54 मीटर बा।^[३]

मेन चर्च की निर्माण खाती रिचार्ड अलेक्जेंडर मानूगियान (Richard Alexander Manoogian) आ लुइस मानूगियान सिमोने (Louise Manoogian Simone) द्वारा दिहल गइल दान के रकम से भइल; ऊ लोग ई रकम अपना पिता एलेक्स मानूगियान आ महतारी मैरी मानूगियान के यादगार में दिहले रहल।^[१] बाकी दू गो चैपल सभ के निर्माण नाज़ार आ अर्तेमिस नज़ारियान, अउरी केवोर्क आ लिंडा केवोर्कियान के दान से भइल जबकि बेल्फ्राई एदुआर्दो यूर्नेकियान के दान से बनल।