सैमसंग गैलेक्सी एस8
टेम्पलेट:Infobox mobile phone सैमसंग गैलेक्सी एस8 आ सैमसंग गैलेक्सी एस8+ एंड्रॉइड स्मार्टफोन हवें जिनहन के उत्पादन सैमसंग इलेक्ट्रॉनिक्स के सैमसंग गैलेक्सी एस सिरीज के तहत हो रहल बा। न्यूयार्क में एक ठो मीडिया कार्यक्रम में 29 मार्च 2017 ई फोन पहिले-पहिल देखावल गइल आ ई सैमसंग गैलेक्सी एस7 आ एस7 ऍज के जगह लेई। अमेरिका में ई बिक्री खातिर 21 अप्रैल 2017 से आ यूके में 28 अप्रैल 2017 से बजार में उपलब्ध करावल गइल।
गैलेक्सी एस7 आ एस7 ऍज के तुलना में एकर हार्डवेयर आ डिजाइन दुनों अपग्रेड कइल गइल बा। एकर स्क्रीन लमछर बा आ आस्पेक्ट रेशियो भी बढ़ावल गइल बाटे। दुनों मॉडल के किनारा गोलाई लिहले बाटे, आँख के पुतरी (आइरिस) पहिचान आ चेहरा पहिचान के सुबिधा दिहल गइल बा। एकरा के माउस आ कीबोर्ड के साथ भी इस्तमाल कइल जा सकत बाटे, रख के कंप्यूटर की नियर।
एस8 के रिलीज के बाद बढ़ियाँ समीक्षा हासिल भइल बा आ रिलीज के समय एकर डिमांड बहुत हाई रहल। बजार में आवे से पहिले बुक करावे के मामिला में एकर रेकार्डतोड़ दस लाख बुकिंग दक्खिन कोरिया में भइल आ ओभरआल बिक्री गैलेक्सी एस7 के तुलना में 30% ढेर दर्ज कइल गइल। मई महीना में जारी रपट के मोताबिक पचास लाख फोन बेचल जा चुकल बा।