हवा प्रदूषण के संपादन कइल जा रहल बा

[[File:AlfedPalmersmokestacks.jpg|thumb|upright=1.2|alt=दू ठो लंबा चिमनी से निकल रहल सफ़ेद धुआँ|[[कोक (जलावन)|कोकिंग भट्ठी]] से निकले वाला धुआँ से होखे वाला हवा परदूषण]]
'''हवा परदूषण''' भा '''वायु प्रदूषण''' [[वायुमंडल|धरती के वायुमंडल]] में मौजूद हवा में नोकसानदेह चीजन के प्रवेश होखे वाला [[प्रदूषण|परदूषण]] हवे। हवा में पहुँचे वाला ई [[पार्टिकुलेट मैटर|महीन कण]] सभ आ [[जीवकण|जीवीय कण]] सभ बेमारी, एलर्जी पैदा क सके लें आ मौत के कारण बन सकेलें जबकि [[प्राकृतिक पर्यावरण]] के बाकी जिंदा जिया-जंतु आ बनस्पति के सेहत पर भी खराब असर डाल सके लें, आ [[बनावटी पर्यावरण|मनुष्य निर्मित पर्यावरण]] के तत्व सभ के भी नोकसान पहुँचा सके लें। हवा प्रदूषण के कारण मनुष्य के काम भी हो सके ला, जइसे कि चिमनी से निकले वाला धुँआ; आ ई प्राकृतिक घटना सभ के कारण भी हो सके ला, उदाहरण खातिर [[ज्वालामुखी]] से निकले वाली नोकसानदेह गैस से भी हो सके ला।

साल 2008 के एक ठो रपट में, घरभितरिया हवा परदूषण आ खराब शहरी हवा गुणवत्ता, दुनों के सभसे खराब किसिम के जहरीला परदूषण के रूप में निशानदेही कइल गइल बा।<ref>{{cite web|url=http://www.worstpolluted.org/ |title=Reports |publisher=WorstPolluted.org |date= |accessdate=2010-08-29| archiveurl= https://web.archive.org/web/20100811155338/http://www.worstpolluted.org/| archivedate= 11 August 2010 <!--DASHBot-->| url-status= live}}</ref> 2014 में आइल बिस्व स्वास्थ संगठन के रपट में बतावल गइल बा कि साल 2012 में पूरा दुनिया भर में 70 लाख लॉग के मौत भइल,<ref name=WHO2014>{{cite web | url =http://www.who.int/mediacentre/news/releases/2014/air-pollution/en/| title =7 million premature deaths annually linked to air pollution |publisher =WHO|date=25 मार्च 2014| accessdate =25 मार्च 2014}}</ref> एह अनुमान से मिलत जुलत आँकड़ा अंतर्राष्ट्रीय ऊर्जा एजेंसी के भी रहल।<ref>http://www.iea.org/publications/freepublications/publication/WorldEnergyOutlookSpecialReport2016EnergyandAirPollution.pdf</ref><ref>{{cite news |last= |first= |title=Study Links 6.5 Million Deaths Each Year to Air Pollution |url=https://www.nytimes.com/2016/06/27/business/energy-environment/study-links-6-5-million-deaths-each-year-to-air-pollution.html |date=26 जून 2016 |work=New York Times |accessdate=27 जून 2016  }}</ref>

== प्रदूषणकारी ==
* [[कार्बन डाईऑक्साइड]] ({{CO2}}) 
* सल्फर ऑक्साइड (SO<sub>x</sub>)
* नाइट्रोजन ऑक्साइड (NO<sub>x</sub>)
* [[कार्बन मोनोऑक्साइड]] (CO) – CO रंगहीन, गंधहीन बिसैली बाकी कौनों संबेदना ना पैदा करे वाली।<ref>{{Cite Web|url=https://www.nhs.uk/conditions/carbon-monoxide-poisoning/|title=Carbon Monoxide Poisoning - NHS}}</ref> इंजन में पेट्रोलियम पदार्थ के दहन (कंबशन) से निकले ले।<ref>"Vehicles, Air Pollution, and Human Health." Union of Concerned Scientists, www.ucsusa.org/clean-vehicles/vehicles-air-pollution-and-human-health</ref>
* वोलाटाइल ऑर्गेनिक कंपाउंड (VOC)
* [[पार्टिकुलेट मैटर]]<ref>{{cite web|url=http://www.newsroom.heart.org/index.php?s=43&item=1029 |title=Evidence growing of air pollution's link to heart disease, death |accessdate=2010-05-18 |archiveurl=https://web.archive.org/web/20100603014952/http://www.newsroom.heart.org/index.php?s=43&item=1029 |archivedate=2010-06-03 |df= }} // American Heart Association. May 10, 2010</ref> <ref>J.R. Balmes, J.M. Fine, D. Sheppard Symptomatic bronchoconstriction after short-term inhalation of sulphur dioxide Am. Rev. Respir. Dis., 136 (1987), p. 1117</ref>
* परसिस्टेंट फ्री रेडिकल्स<ref>{{cite web|url=http://www.physorg.com/pdf138201201.pdf |title=Newly detected air pollutant mimics damaging effects of cigarette smoke |format=PDF |date= |accessdate=2010-08-29}}</ref><ref>{{cite web|url=https://www.sciencedaily.com/releases/2009/07/090722123751.htm |title=Infant Inhalation Of Ultra-fine Air Pollution Linked To Adult Lung Disease |publisher=Sciencedaily.com |date=2009-07-23 |accessdate=2010-08-29}}</ref>
* सीसा, पारा, कैडमियम इत्यादि बिसैली धातु सभ।
* [[क्लोरोफ्ल्यूरोकार्बन]] (CFCs) – ओजोन के नोकसान, सीधे संपर्क में आवे पर इनहन में से कई गो आदमी दे सेहत खाती नोक्सान्देह।
* [[अमोनिया]] (NH<sub>3</sub>) – कई खेती के क्रिया सभ में निकले ला; उद्योग से निकले ला।<ref>{{cite web|title=The Effect of Changing Background Emissions on External Cost Estimates for Secondary Particulates|publisher= Open environmental sciences|year=2008|url=https://www.researchgate.net/profile/Luc_Int_Panis/publication/250144316_The_Effect_of_Changing_Background_Emissions_on_External_Cost_Estimates_for_Secondary_Particulates/file/3deec51efe5018cd80.pdf?origin=publication_detail}}</ref>
* गंध&nbsp;— कूड़ा-कबाड़, सीवर, उद्योग के कचरा इत्यादि से निकले वाली बदबू।
* रेडियोएक्टिव प्रदूषणकारी – प्राकृतिक रेडियोएक्टिव क्षय से, मनुष्य द्वारा परमाणु बिस्फोट से।
* ग्राउंड लेवल पर ओजोन (O<sub>3</sub>)
* पेरोक्सीसेटाइल नाइट्रेट (Peroxyacetyl nitrate) (C<sub>2</sub>H<sub>3</sub>NO<sub>5</sub>) – similarly formed from NO<sub>x</sub> and VOCs.

== स्रोत ==
===प्राकृतिक ===
[[File:Dust Storm Texas 1935.jpg|thumb|220px|right|alt=धूर के तूफ़ान|अमेरिका के टैक्सास में धूर के आन्ही तुफान]]
* धूर – कई अइसन इलाका से जहाँ बनस्पति के अभाव बाटे।
* ज्वालामुखी क्रिया से निकले वाली धूर आ बिबिध किसिम के गैस सभ। जइसे कि सल्फरडाइऑक्साइड इत्यादि।
* मवेशी सभ के पाचन क्रिया में निकले वाली मीथेन गैस।
* पानी लगा के खेती, जइसे कि धान से, निकले वाली मीथेन।
* कई जगह जमीन से अपने आप निकले वाली रैडान गैस।

=== मानवी स्रोत ===
[[File:BurningOffFieldsInTheEveningInSouthGeorgia.jpg|thumb|220px|right|alt=खेत जरावल |दक्खिनी जार्जिया में एगो खेत में डाठ जरावल जा रहल बा]]

* स्थाई, फैक्टरी आ पावर प्लांट से निकले वाला धुआँ आ गैस।
* मोबाइल रूप में, सड़क परिवहन से निकले वाला धुआँ
* हवाई जहाज सभ से निकले वाली गैस जिनहन से ऊपरी वायुमंडल में अवांछित बदलाव हो रहल बा।
* खेती के खड़ा डांठ जरावे से निकले वाला धुआँ।

== घरभीतरिया हवा क्वालिटी ==
अगर घर के भीतर हवा के आवाजाही, मने कि वेंटीलेशन, बढ़ियाँ न होखे, घर के भीतरी हवा में प्रदूषक तत्व सभ एकट्ठा हो सके लें। ई खतरनाक हो सके ला काहें कि लोग आपना जादेतर समय घरे के भितरें बितावे लें। [[रैडान]] (Rn) गैस, एगो कैंसरकारी गैस, कई जगह धरती से निकले ले आ घर के भीतर इकट्ठा हो सके ले। घर में कारपेट आ प्लाई से फॉर्मलडीहाइड (H<sub>2</sub>CO) गैस निकले ले। पेंट आ अउरी अइसन रंग-रोगन के चीज सभ से सूखे पर वोलाटाइल ऑर्गेनिक कंपाउंड (VOCs) रिलीज होखे लें। [[सीसा]] आधारित पेंट से, सूखे पर अइसन महीन धूर (डस्ट) निकले ले जे साँस के साथे शरीर में परवेश क सके ले। इनहन के अलावा एयर फ्रेशनर, सुगंधित करे वाला पदार्थ, धूप-अगरबत्ती इत्यादि से भी, लोग खुद के द्वारा घर के भीतरी हवा में प्रदूषण क सके ला। लकड़ी जरावे आ गर्मी पैदा करे खातिर भी इस्तेमाल होखे वाला दहन सभ से घर के भीतर प्रदूषण हो सके ला।<ref>{{cite web|url=http://sapiens.revues.org/index130.html |title=Duflo, E., Greenstone, M., and Hanna, R. (2008) "Indoor air pollution, health and economic well-being". ''S.A.P.I.EN.S.'' '''1''' (1) |publisher=Sapiens.revues.org |date= |accessdate=2010-08-29}}</ref> बिना उचित वेंटिलेशन वाला घर में कीड़ा-मकोड़ा आ मच्छरमार चीजन के छिड़काव से हवा के क्वालिटी खराब हो सके ले।

== इतिहासी बिपति ==
अब तक के इतिहास में सभसे बड़ बिपति जे हवा में प्रदूषणकारी के तात्कालिक प्रवेश से भइल होखे, 1984 के भोपाल गैस त्रासदी के नाँव से जानल जाला।<ref>{{cite news | publisher = Australian Broadcasting Corporation | author = Simi Chakrabarti | url =http://www.abc.net.au/worldtoday/content/2004/s1257352.htm | title = 20th anniversary of world's worst industrial disaster}}</ref> अमेरिकी कंपनी युनियन कार्बाइड (जेकरा के बाद में डाउ केमिकल कंपनी कीन लिहलस) के फैकटरी से खतरनाक रासायनिक गैस के लीकेज भइल जेह में 3787 लोगन के मौत भ गइल आ 150,000 से 600,000 लोग के नोकसान चहुँपल। एही तरह से यूनाइटेड किंगडम में, सभसे बुरा हवा प्रदूषण के घटना 4 दिसंबर 1952 के "ग्रेट स्मॉग" रहल जे [[लंदन]] के ऊपर बनल रहे। छह दिन में कुल  4,000 से बेसी लोगन के मउअत दर्ज कइल गइल आ हाल के दुबारा अनुमान माने लें कि एह में लगभग 12,000 लोग मुअल।<ref name="EHP_112_1">{{cite journal | last1 = Bell | first1 = Michelle L. |author2=Michelle L. Bell |author3=Devra L. Davis |author4=Tony Fletcher  |date=January 2004 | title = A Retrospective Assessment of Mortality from the London Smog Episode of 1952: The Role of Influenza and Pollution | journal=Environ Health Perspect | volume = 112 | issue = 1 | pages = 6–8 | doi = 10.1289/ehp.6539 | pmid=14698923 | pmc=1241789}}</ref> सोवियत रूस में 1979 में अइसने एगो घटना भइल जब जैविक हथियार के प्रयोगशाला से सेवर्डलोस्क में एंथ्रेक्स के जीवाणु बहरें हवा में फइल गइलें आ 64 लोगन के मौत भइल।<ref>{{cite journal |vauthors=Meselson M, Guillemin J, Hugh-Jones M |title=The Sverdlovsk anthrax outbreak of 1979 |journal=Science |volume=266 |issue=5188 |pages=1202–08 |date=November 1994 |pmid=7973702 |doi=10.1126/science.7973702 |url=http://www.anthrax.osd.mil/documents/library/Sverdlovsk.pdf |display-authors=etal |url-status=dead |archiveurl=https://web.archive.org/web/20060921004004/http://www.anthrax.osd.mil/documents/library/Sverdlovsk.pdf |archivedate=2006-09-21 |df= }}</ref> अमेरिका में, सिंगल घटना गिनावल जाय तब पेंसिलवेनिया के डोनोरा में अक्टूबर 1948 में करीब 20 लोगन के मौत भइल आ 7,000 लोग बेमार पड़ गइल।<ref>{{cite book | author=Davis, Devra | title=When Smoke Ran Like Water: Tales of Environmental Deception and the Battle Against Pollution|publisher=Basic Books|year=2002|isbn=0-465-01521-2}}</ref>


{{clear}}

==संदर्भ==
{{Reflist|35em}}

== बाहरी कड़ी ==
{{commons|Air pollution}}
* [http://cpcb.nic.in/National-Air-Quality-Index/ एयर क्वालिटी इंडेक्स], केंद्रीय प्रदूषण नियंत्रण बोर्ड, भारत। {{in lang|en}}
* [http://aqicn.org/map/world/ Global real-time air quality index map] {{in lang|en}}
* [https://www.airnow.gov/index.cfm?action=aqibasics.aqi Air Quality Index (AQI) Basics] {{in lang|en}}
* [http://www.urbanairquality.org/ International Conference on Urban Air Quality]. {{in lang|en}}
* [http://www.who.int/phe/health_topics/outdoorair/databases/en/index.html Database: outdoor air pollution in cities], [[बिस्व स्वास्थ्य संगठन]] {{in lang|en}}
* [https://web.archive.org/web/20160104165807/http://www.who.int/mediacentre/factsheets/fs313/en/ World Health Organization Fact Sheet on Air quality and health]

{{प्रदूषण}}
{{Authority control}}

[[श्रेणी:हवा प्रदूषण]]
[[श्रेणी:प्रदूषण]]
[[श्रेणी:सेहत]]
[[श्रेणी:वायुमंडल]]