लेह

टेम्पलेट:Infobox settlement लेह भारत के लद्दाख क्षेत्र में एगो कस्बा बाटे जे लेह जिला के प्रशासनिक मुख्यालय हवे। ई पुराना समय में लद्दाखी राजघराना के राजधानियो रहे। लेह शहर 3,524 मीटर (11,562 फीट) के ऊँचाई पर बसल बा आ इहाँ के आबादी लगभग तीस हजार बाटे। ई शहर जम्मू काश्मीर के राजधानी श्रीनगर से नेशनल हाइवे नं. 1 द्वारा जुड़ल बा आ लेह-मनाली हाइवे एकरा के हिमाचल प्रदेश के शहर मनाली से जोड़े ला। हिमालय पार के पहाड़ी इलाका में एतना ऊँचाई पर बसल एह शहर के जलवायु ठंढा रेगिस्तानी प्रकार के जलवायु हवे बाकी अचानक बर्फबारी आ अचानक होखे वाली बरखा के बाढ़ (फ्लैश फ्लड) से परभावित इलाका हवे। 2010 में अइसने एगो अचानक बाढ़ से इहाँ काफी नोकसान भइल रहे।