गेहुँअन
गेहूंमन चाहे नाग जेकरा अंगरेजी कोबरा कहल जाला एगो साँप हटे, जे भारत के चारगो सभ से बीसाल साँपन मे से एगो बाटे। ई भारत, पाकिस्तान, बांग्लादेश, नेपाल आ भूटान मे पाईल जाला। ई नागराज चाहे कींग कोबरा के अलग होला।
नामकरन[संपादन करीं | स्रोत संपादित करीं]
ई नाज जाति के साँप हऽ, नाग के लैटिन मे नाज कहल गइल एहिसे हेकर बेग्यानिक लोग हेकरा नाज कहेला।
भारत के दोसर दोसर भासा मे हेकर दोसर दोसर नांव बा, भोजपुरी मे हेकरा गेहूंमन कहल जाला, बाकिर जदि हेकर रंग करिया होखे तब ई नाग कहाला, गेहूंमन के रंग गेहूं लेखा होला एहिसे ऊ गेहूंमन कहाला। भोजपुरी इलाका मे नाग से बेसी गेहूंमन होखलऽसन। करिया आ गेहुमा छोड़ि के ई अउरी बहुते रंग के होखेलऽसन जेकरा ओही रंग के गेहूंमन चाहे नाग के आगा लगाई के चिन्हल जाला, जइसे उज्जर गेहूंमन, चाहे ऊज्जर नाग।
मराठी, हिन्दी आ गुजराती मे हेकरा नाग कहल जाला, मलयालम मे मुरखन, तेलुगु मे नागु पामु, कन्नड़ मे नागरा हावू, तमिल मे नल्ला पंबू आ बंगाली मे गोखरा कहल जाला।
हुलिया[संपादन करीं | स्रोत संपादित करीं]
.jpg){kind=link}
गेहूंमन अलग अलग जगहा प दोसर दोसर रंग आ आकार मे होला। देहि के नीचे के चोञटा चाहे पेट के रंग करिया, पीयर, भुअर, लालि हो सकेला। देहि के ऊपर के चाम चाहे चोञटा प अलग अलग रंग के आकिरती हो सकेला।