मनी हाइस्ट

टेम्पलेट:काम जारी टेम्पलेट:Infobox television मनी हाइस्ट मूल रूप से स्पेनी भाषा में बनल (मूल नाँव: ला कासा दे पेपल; कागज के किला) टीवी सीरीज बा जे एलेक्स पीना के द्वारा बनावल गइल बा। ई लूटपाट आ डकैती के अपराध वाली बिधा के ड्रामा सीरीज हवे। कहानी ई बा कि बहुत दिन से सहेज के रखल दू गो डाका के प्लान सभ पर काम कइ के स्पेन के शाही टकसाल (जहाँ रुपिया छापल जाला) आ स्पेन के बैंक में लूट कइल जाला। कहानी लुटेरा लोगन में से एक सदस्य द्वारा सुनावल जाला जेकर कोड नाँव टोकियो हवे।

ई सीरीज पहिले कुछ सीमित सीरीज के रूप में बनावे के नीयत से बनल रहल जेकर कहानी दू खंड में रखे के बिचार रहल। मूल रूप से ई 15 गो एपिसोड में स्पेनी नेटवर्क एंटेना 3 पर जारी भइल आ 2 मई 2017 से 23 नवंबर 2017 ले देखावल गइल। एकरे बाद एक बैस्विक प्रसारण के अधिकार नेटफ्लिक्स द्वारा 2017 के अंत में कीन लिहल गइल। नेटफ्लिक्स एकरा के दोबारा-कट के रूप में बनवलस आ 22 गो छोटहन एपिसोड सभ में बाँट के पूरा दुनियाँ भर में रिलीज कइलस जेकरा में पहिला भाग के प्रसारण 20 दिसंबर 2017 से शुरू भइल आ एकर दुसरहा पार्ट 6 अप्रैल 2018 से प्रसारित भइल। अप्रैल 2018 में नेटफ्लिक्स एह सीरीज के एकदम से नाया क दिहलस आ एकर बजट मजिगराह बढ़ा दिहल गइल। औरी 16 गो एपिसोड नाया बनावल गइल। पार्ट 3, आठ गो एपिसोड के साथे 19 जुलाई 2019 के रिलीज भइल। पार्ट 4, जवना में आठे गो एपिसोड रहलें, 3 अप्रैल 2020 के रिलीज भइल। एकरे साथे-साथ, ओहि दिन्ने, एगो डाकुमेंटरी रिलीज कइल गइल जेकर नाँव Money Heist: The Phenomenon (टेम्पलेट:Lang-es) रहल। जुलाई 2020 में पाँचवा आ अंतिम भाग पाँच-पाँच एपिसोड के दू हिस्सा में रिलीज भइल, 3 सितंबर आ 3 दिसंबर 2021 के। हिंदियो में एकर डब अवेलेबल बा। एकरा के नेटफ्लिक्स पर देखल जा सके ला। एकरे अलावा एकर एगो कोरियाई रीमेक बन चुकल बाटे।

सीरिज के फिल्मांकन स्पेन के मैड्रिड शहर में भइल बाटे। एकरे अलावा बहुत सारा सीन पनामा, थाइलैंड, इटली (फ्लोरेंस), डेनमार्क आ पुर्तगाल में शूट कइल गइल बाड़ें।