इटली

टेम्पलेट:Coord टेम्पलेट:Infobox country इटली (अंगरेजी: Italy) यूरोप में एगो देस बाटे। एकर राजधानी रोम हवे। भूमध्य सागर के बीचोबीच मौजूद ई देस, मुख्य रूप से प्रायदीप हवे आ एकर जमीनी बाडर फ्रांस, स्विट्जरलैंड, ऑस्ट्रिया, स्लोवेनिया, सैन मरीनो, आ वेटिकन सिटी के साथे बाद। इटली के बिस्तार लगभग टेम्पलेट:Convert एरिया पर बाटे आ ई मुख्य रूप से समशीतोष्ण जलवायु वाला आ भूमध्य सागरीय जलवायु इलाका हवे। इहाँ के जनसंख्या लगभग 61 बा आ एह हिसाब से ई यूरोपियन यूनियन में चउथा आ दक्खिनी यूरोप में सभसे ढेर जनसंख्या वाला देस बाटे।

भूगोल

इटली के लोकेशन दक्खिनी यूरोप में बा, 35° से 47° N अक्षांस आ 6° से 19° E देशांतर के बिचा में ई देस बिस्तार लिहले बा। इटली के उत्तर में एकर सीमा फ्रांस, स्विट्जरलैंड, ऑस्ट्रिया आ स्लोवेनिया से मिले ला आ ई सीमा मोटामोटी रूप से आल्प्स परबत के जलबिभाजक के सहारे बाटे, पहाड़ी इलाका के घेरा में इहाँ के पो घाटी आ वेनेसियाई मैदान बाटे। एकरा दक्खिन में ई पूरा प्रायदीपी भाग हवे जेकरा के इटैलियन प्रायदीप कहले जाला आ भूमध्य सागर में दू गो बड़हन दीप बाड़ें सिसिली आ सार्डीनिया। इनहन के अलावे अउरी कई गो छोटहन दीप भी बाड़ें। संप्रभु राज्य सैन मरीनो आ वेटिकन सिटी दुनों इटली देस के एन्क्लेव हवें, मने कि एह देसन के चारो ओर इटली के सीमा बा। कैंपियोने दि'इटालिया नाँव के एन्क्लेव, जे इटली के हिस्सा हवे, स्विट्जरलैंड के भीतर बा।