आरा-छपरा सेतु

टेम्पलेट:Infobox Bridge आरा-छपरा सेतु चाहे वीर कुंवर सिंह सेतु भारत के बिहार मे भोजपुर आ सारन जिला मे गंगा प बनल एगो पुल हऽ जे आरा आउर छपरा के जोड़ेला। ई दुनिया के सभ से लाम एक्स्ट्राडोज्ड पुल बाटे। ई पुल बिहार के उत्तर आ दक्खिनी भाग के जोड़े के काज करेला। वीर कुंवर सिंह सेतु के आम जनता ला 11 जून 2017 के खोलल गईल।

परियोजना

आरा-छपरा सेतु आरा आउर छपरा के दूरी 130 किमी से 40किमी कई दिहलस। हेकरा बनला से लोग उत्तर बिहार से दक्खिन बिहार बिना पटना गइले जा सकेला। ई पुल छपरा मे एनएच-19 आ आरा के कोइलवर में एनएच-30 के जोडला। नीतीश कुमार पुल के शिलान्यास 2010 मे कइलन आ बोललन की हुनकर इच्छा भोजपुरी बोले वाला जिला सभ के जोडल बा।

800 करोड़ रोपया लगाई के बनल आरा छपरा सेतु दुनिया से सभसे लमहर मल्टी स्पेन एक्स्ट्रादोज्ड सेतु बाटे। पुल 4.35 किमी लमहर बा।

गंगा नदी प पुल

गंगा नदी बिहार के दु बखरा कई दिहेले जेकरा गुने यातायत मे परेशानी होखेला।

गंगा नदी प पहिलका पुल, राजेन्द्र सेतु 1959 मे बनल रहे। दूसरका पुल महात्मा गाँधी सेतु जवन की 5575 मीटर लमहर रहे आ ओह घड़ी भारत से सभसे लमहर पुल रहे। हेकरा बाद भागलपुर मे विक्रमशिला सेतु बनल आ चउथा पुल जयप्रकाश नारायण सेतु रहे।

मुंगेर गंगा सेतुओ अभी बनऽता। बख्तियारपुर - ताजपुर सेतु के निर्माण अबहिन होखऽता जे बख्तियारपुर आ ताजपुर के जोड़ी।

आरा-छपरा सेतु आरा आ छपरा के जोड़ेला। राजेन्द्र सेतु लगे एगो अउर पुल बनावे के बात चलऽता।

गैलरी

• Error creating thumbnail: फाइल गायब बा
  आरा छपरा सेतु, आरा छपरा
• Error creating thumbnail: फाइल गायब बा
  आरा छपरा सेतू बनत बजी