चारा घोटाला

चारा घोटाला (ब्यापक नाँव पशुपालन घोटाला) भारतीय राज्य बिहार में 1994 में सोझा आइल एक ठो घोटाला हवे जेह में पशुपालन बिभाग के अधिकारी आ ठीकेदार लोग द्वारा फर्जी बिल बना के मवेशिन के चारा, दवाई इत्यादि के नाँव पर रुपिया के हेर फेर कइल गइल। जाँच के आगे बढ़ले पर एह में कई नेता लोग के भी नाँव आइल आ बिहार के दू गो पूर्व मुख्यमंत्री लोग, जगन्नाथ मिश्र आ लालू यादव तक पर एह में सामिल होखे के आरोप लागल। जाँच में अइसन मामिला बिहार में कई जगह सोझा आइल आ अइसन हेराफेरी के लगभग दू दशक ले चालू रहे के बात खुलल। लालू यादव के एह मामिला में सजा भइल आ मुख्यमंत्री पद छोड़े के पड़ल, आ चुनाव लड़े से बंचित क दिहल गइल।

दिसंबर में एही से जुड़ल एगो केस में लालू यादव आ अन्य लोग के सीबिअई अदालत द्वारा दोषी करार दिहल गइल आ लालू यादव के साढ़े तीन साल के सजा सुनावल गइल।