ललित ग्रेट इस्टर्न होटल

ललित ग्रेट इस्टर्न होटल कोलकाता में ओल्ड कोर्ट हाउस स्ट्रीट में स्थित बा। इ नेताजी सुभाष चन्द्र बोस अंतर्राष्ट्रीय हवाई अड्डा से 17 किमी दूर और हावड़ा रेलवे स्टेशन से अंदाजन 4 किमी दुरी पर आइल बा।

इतिहास

ईस्ट इंडिया कम्पनी क एगो समय रहे जब ग्रेट इस्टर्न होटल के “पूरब क श्रृंगार” कहल जा, उ हँसी-ख़ुशी की ख़ास समय में, ग्रेट इस्टर्न होटल कोलकाता में आवे वाला कईगो ख़ास आ मशहूर लोगन क मेजबानी कइलस। सन् 1947 में भारत की आजादी की बाद ए होटल क बिजनस चालू रहल लेकिन पश्चिम बंगाल में नक्सलियन की दौर में इ बहुते कम हो गईल।

ग्रेट इस्टर्न होटल सन 1840-41 में ऑकलैंड होटल की नांव से डेविड विल्सन खोल ले रहे, सबसे पहिले होटल में 100 कमरा और एगो डिपार्टमेंटल स्टोर रहे। एकर विस्तार सन् 1860 में भइल, आ सन् 1915 में एकर नाम ग्रेट इस्टर्न होटल पड़ल। सन् 1883 में एमें बिजली से रोशनी कइल गईल, शायद इ देश क पहिला होटल रहे जौने में ओ समय बिजली लागल। इ होटल निकिता खुर्श्चेव आ निक्लोई बुल्गेनिन, एलिजाबेथ II, मार्क ट्वेन सहित कईगो महान हस्ती लोगन क मेजबानी कइलस। सन् 2005 में नवीनीकरण खातिर बंद भइले से पहिले इ एशिया में सबसे ज्यादा समय ले चले वाला होटल रहे।

नवीनीकरण

नवीनीकरण खातिर इ होटल बहुत लम्बा समय खातिर बंद रहे। फिर एकर कुछ हिस्सा एकर प्रबन्धन करे वाली कम्पनी ललित होटल्स की नांव पर, ललित ग्रेट ईस्टर्न होटल की नांव से 19 नवम्बर 2013 के खुलल।

ए होटल क इमारत एगो एतिहासिक विरासत की तौर प दर्ज बा।