भतुआ

टेम्पलेट:Stack begin टेम्पलेट:Speciesbox टेम्पलेट:Stack end टेम्पलेट:Nutritional value भतुआ (टेम्पलेट:Lang-en) चाहे Wax gourd; बैज्ञा. नाँव:Benincasa hispida) एगो नार-पात वाली लता होखे ले जेह में बड़हन साइज के फर फरेला। ई बेनिनकासा (Benincasa) के एकलौता प्रजाति हवे। मूल रूप से ई दक्खिन-एशिया आ दक्खिन-पूरब एशिया के बनस्पति हवे।

उत्तर भारत में ई जाड़ा के समय उपजावल जाला। एकर लमहर नार-पात वाली लता होखे ले जे आमतौर पर छान-छप्पर पर चढ़ा दिहल जाला। पतई चाकर होले आ फूल पीयर रंग के होखे लें। फर जबले छोट रहे ला ओह पर रोआँ नियर होखे लें आ एकदम पुरहर हो के पाक जाए पर ई रोआँ गायब हो जालें आ उज्जर मोम नियर परत में बदल जालें। एही कारण एकरा के अंगरेजी में वैक्स गॉर्ड (वैक्स माने मोम) कहल जाला। एही परत के कारन एकरे पुरहर आ पाकल फर के काफी लमहर समय ले रखल जा सके ला ई लगभग साल भर ले ना खराब होखे ला।

एकरे फर के पुरहर हो जाए पर सब्जी बनावल जाला आ एकदम पाक जाए पर भतुआ पाग भा पेठा नाँव के मिठाई बनावल जाला जे एक किसिम के मोरब्बा नियर होखे ला। भारत में आगरा के पेठा मशहूर हवे जे एही फर से बने ला। मिठाई के अलावा पाकल फर के गुद्दा निकाल के ओकर अदउरी बनावे में भी इस्तेमाल होखे ला।

कुछ धार्मिक करमकाण्ड में एकरे फर के बलि देवे में भी इस्तेमाल कइल जाला।