पर्यावरणी नीति

टेम्पलेट:Environment sidebar पर्यावरणी नीति, कौनों संस्था के द्वारा घोषित, ओह संस्था के पर्यावरण के बारे में सोच, बिचार, उद्देश्य इत्यादि के जाहिर करे वाला चीज हवे,^[१] आ ई एह बात के वक्तव्य होला कि संस्था के पर्यावरणी मुद्दा सभ पर का पोजीशन बा आ पर्यावरण के मामिला में ऊ कवना किसिम के नैतिक भाव रखत बा,^[२] साथे-साथ पर्यावरण के सुरक्षा खातिर बनावल कानून आ रेगुलेशन सभ के ऊ संस्था कवना तरीका से पालन करी आ एकरे खातिर केतना तत्पर बाटे।

पर्यावरणी नीति के तहत जेवना मुद्दा सभ पर सरकार भा संस्था द्वारा आपन कमिटमेंट स्पष्ट कइल जाला उनहन में हवा आ पानी प्रदूषण, कचड़ा मैनेजमेंट, इकोसिस्टम मैनेजमेंट, जीवबिबिधता के रखरखाव, आ प्राकृतिक संसाधन, जंगली जियाजंतु आ खतरा में प्रजाति सभ के संरक्षण सामिल बा।^[३] ऊर्जा संबंधी रेगुलेशन, जहरीला पदार्थ संबंधी रेगुलेशन जेह में कीटनाशक इत्यादि भी सामिल बा, आ कई प्रकार के उद्योगिक कचड़ा सभ के रेगुलेशन भी पर्यावरणी नीति के हिस्सा बाटे। एह नीति के निर्धारण एह दिशा में भी हो सके ला कि मानव क्रिया-कलाप से पर्यावरण आ प्राकृतिक संसाधन के कइसे बचावल जाय आ साथे-साथ एही नीति में पर्यावरण में होखे वाला बदलाव से मनुष्य पर पड़े वाला बुरा परभाव सभ के रोकथाम के भी सामिल कइल जाला।^[४]

टेम्पलेट:Clear