चारमीनार

टेम्पलेट:Infobox religious building चारमीनार भारत के हैदराबाद नगर मे एगो परसिद्ध भवन बा। एकर निर्माण 1591 मे भइल आ सऊँसे बिस्व मे ई हैदराबाद के चिन्हासी के रूप मे आ भारत के कुछू बहुते जानल-मानल बिल्डिंग सभ में गिनल जाए वाली बिल्डिंग बा। लमसम 400 बरिस से एकरे ऊपरी तल्ला प महजिद बा आ इहाँ कए तरह के मेला तिहुआरो मनावल जाला। ई हैदराबाद के सभसे ढेर देखल घूमल जाए वाला पर्यटक आकर्षण भी हवे।

चारमीनार मूसी नदी के पुरबी तीर पर बाटे आ एकरे लगे के इलाका भीड़भाड़ वाला बजार के इलाका हवे। एकरा पच्छिम ओर परसिद्ध लाड बजार बा जेकरा के चूड़ी बजार के नाँव से भी जानल जाला। एकरे दक्खिन-पच्छिम में मक्का महजिद बाटे।

हैदराबाद के कुतुबशाही बंस के शासक मुहम्मद कुली क़ुतुब शाह एह इमारत के बनववलें। ई इतिहासी धरोहर हवे। भारतीय आर्कियोलॉजिकल सर्वे के लिस्ट में ई भवन दर्ज बा आ ई एगो संरक्षित इमारत हवे।

फोटो गैलरी

• Error creating thumbnail: फाइल गायब बा
  एगो मीनार
• Error creating thumbnail: फाइल गायब बा
  नगीचे से डिटेल
• Error creating thumbnail: फाइल गायब बा
  घड़ी
• Error creating thumbnail: फाइल गायब बा
  अंदर के हिस्सा
• Error creating thumbnail: फाइल गायब बा
  दुसरे तल्ला पर महजिद
• Error creating thumbnail: फाइल गायब बा
  चारमीनार के पैनोरमा व्यू

प्रभाव

Error creating thumbnail: फाइल गायब बा

पाकिस्तान के कराची में चारमीनार के नकल। एह चौराहा के चारमीनार चौरंगी कहल जाला।

2007 में पाकिस्तान में रहे वाला हैदराबादी मुसलमान लोग कराची शहर के बहादुराबाद मोहल्ला में मेन चौक पर एह चारमीनार के एगो छोटहन नकल तइयार कइल। ई बिल्डिंग मूल चारमीनार के छोटहन आ कम सजावटी नकल हवे बाकी एगो बहुत सुघर बिल्डिंग हवे। एह चौराहा के चारमीनार चौरंगी कहल जाला। 2015 में छपल एगो रपट के मोताबिक ई यूके के एगो संस्था द्वारा जारी लिस्ट में दुनियाँ के छठवाँ सभसे खूबसूरत गोलचक्कर के रूप में चिन्हित कइल गइल रहल।

परसिद्ध चाकलेट बनावे वाली कंपनी लिंट (Lindt) के अडेलबर्ट बोशर एह बिल्डिंग के एगो छोट पैमाना पर मॉडल बनवलें जे 50 किलोग्राम चाकलेट से बनल रहे आ एकरा के बनावे में तीन दिन के समय लागल रहे। ई मॉडल हैदरबाद के वेस्टिन में 25 आ 26 सितंबर 2010 के नुमाइश खातिर रखल गइल रहे।

चामीनार एक्सप्रेस भारतीय रेल के एगो रेलगाड़ी हवे जे एही बिल्डिंग के नाँव पर नाँव वाली गाड़ी हवे, ई हैदराबाद आ मद्रास (चेन्नई) के बीचा में चले ले।

पुराना समय के हैदराबाद रियासत में चले वाला सिक्का आ रुपिया के नोट सभ पर भी चारमीनार के बिल्डिंग के चित्र छपल रहे जे सभ ओह समय में चलन में रहलें।

ई इमारत हैदराबाद शहर के पहिचान के दर्जा हासिल क चुकल बाटे आ तेलंगाना राज्य के भी। ई तेलंगाना राज्य के राजकीय निशान पर दर्ज कइल गइल बा जेह में ई काकतीय तोरण (वारंगल गेट) के बीचा में देखावल गइल हवे।