सुभाष चंद्र बोस
टेम्पलेट:Infobox person सुभाष चंद्र बोस (23 जनवरी 1897 – 18 अगस्त 1945) या सुबास बाबू, जिनका के नेताजी के उपाधि दिहल गइल रहल, आजादी के लड़ाई के एगो प्रमुख नेता रहलें आ उनुकर राष्ट्र खातिर प्रेम आ समर्पण उनुके एगो बहुत महत्वपूर्ण राष्ट्रीय बेकति बना दिहलस। दुसरा बिस्व जुद्ध के समय ऊ भारत के ब्रिटिश राज से आजादी दियावे खातिर नाजी जर्मनी आ जापान के सहायता लेवे के कोसिस कइलें, आजाद हिंद फ़ौज के अस्थापना कइलें जेकरा खातिर उनुके जानल जाला।
सुभाष बाबू सुरुआत में, 1920 से 1930 के समय में, कांग्रेस के गरमपंथी बिचार वाला नेता रहलें आ 1938 आ 1939 में कांग्रेस के अध्यक्ष बनलें। बाद में गांधीजी के साथ आ कांग्रेस ए हाई कमान के साथ मतभेद के कारन कांग्रेस से बाहर हो गइलें। एकरा बाद उनुके ब्रिटिश सरकार घर में नजरबंद क दिहलस। नजरबंदी से फरार हो के 1941 में सुबास बाबू जर्मनी पहुँचलें जहाँ उनुके मदद के आश्वासन मिलल। जर्मन सहजोग से बर्लिन में एगो फ्री इंडिया सेंटर के अस्थापना भइल।
एही के बाद 3,000 के संख्या वाली फ्री इंडिया लेजियन के भी अस्थापना भइल। 1942 में जापान के दक्खिन पूरब एशिया में सफलता आ जर्मनी के प्राथमिकता में बदलाव के बाद सुबास बाबू जापान के मदद के ओर आकर्षित भइलें आ 1942 में उनुके हिटलर से मुलाक़ात भी भइल जवना में हिटलरो उनुके इहे सलाह दिहलें। एही दौरान, नवंबर 1942 में, बोस के साथी आ पत्नी एमिली शेंकल के एगो लड़की पैदा भइल। एक्सिस पावर्स के साथ खुला सहमती ब्यक्त कइ के सुभास बाबू 1943 में जर्मन पनडुब्बी में बइठ के जापान खातिर निकल पड़लें आ मेडागास्कर के लगे ऊ जापानी पनडुब्बी में चढ़लें आ मई 43 में जापानी अधिकार वाला सुमात्रा पहुँचलें।
सिंगापुर के लड़ाई में कैद भइल भारतीय सिपाही लोग के ले के जापानी सहजोग से आजाद हिंद फ़ौज के अस्थापना भइल। बोस अपना सैनिकन के "जय हिंद" के नारा दिहलें। हालाँकि, 1944 आ 45 में ब्रिटिश सेना जापान के सेना के पाछे धकेल दिहलस। सुबास बाबू सरेंडर करे की बजाय एगो हवाई जहाज से मंचूरिया खातिर निकललें आ उनुके सोवियत रूस से मदद के उमेद रहल बाकी ताइवान के लगे उनके जहाज के दुर्घटना हो गइल आ सुबास बाबू के मौत हो गइल। बहुत लोग, भारत में, उनुके मौत के खबर के सही ना माने ला।
भारतीय कांग्रेस सुबास बाबू के राष्ट्रप्रेम के कदर करे बाकी उनुके बिचारधारा आ फासी ताकत के साथ मिलके काम करे के बिचार से अपना के अलग रखलस।
निजी जिनगी[संपादन करीं | स्रोत संपादित करीं]
बोस 1934 में एमिली शेंकल से मिलने आ इनहन लोग के 1942 में हिंदू रीति-रिवाज से बियाह भइल।टेम्पलेट:Sfn एमिली ऑस्ट्रिया के वियना के एगो कैथोलिक ईसाई परिवार में पैदा भइल रहली। शेंकल आ बोस के परिचय एगो दोस्त द्वारा भइल रहल आ ई लोग चुपचाप 1937 में बियाह कइल। बियाह होखे के बावजूद शेंकल कबो भारत ना अइली। 1942 में बोस पिता बनलें।टेम्पलेट:Sfn टेम्पलेट:Sfnटेम्पलेट:Efn इनहन लोग के एगो बिटिया 29 नवंबर 1942 के पैदा भइल।टेम्पलेट:Sfnटेम्पलेट:Sfnटेम्पलेट:Sfn शेंकल आ इनके बेटी जुद्ध में बच गइल लोग।टेम्पलेट:Sfnटेम्पलेट:Sfn नौ बरिस के बियाह में शेंकल आ सुबास बस तीने बरिस खाती साथे रहल लोग। टेम्पलेट:Sfn जुद्ध के बाद के साल में शेंकल ट्रंक ऍक्सचेंज के काम करें आ उहे अपना परिवार के खर्चा चलावे वाली रहलीं जेह में उनके बेटी आ उनके माई शामिल रहल लोग।टेम्पलेट:Sfn बोस के परिवार के अउरी सदस्य लोग, जइसे कि उनुके भाई शरत चंद्र बोस, शेंकल आ उनके बेटी के बोलावल लोग आ इनहन लोग से ऑस्ट्रिया में मिलबो कइल, शेंकल कबो भारत ना अइली। उनके बिटिया के अनुसार, शेंकल बहुत प्राइवेट रहे वाली औरत रहली आ बोस से अपना संबंध के बारे में बहुते कम बात करें।टेम्पलेट:Sfn शेंकल के 1996 में निधन भइल।
नोट[संपादन करीं | स्रोत संपादित करीं]