जापान

टेम्पलेट:Infobox country जापान एशिया महादीप की पूरबी छोर पर एगो देश बाटे। एके ऊगत सुरुज क देस भी कहल जाला।

जापान एगो दीपी देस हउवे जेवना में लगभग 3900 दीप बाड़ें। हालाँकि इनहन में चार गो सबसे बड़का दीप होन्शू, होकैडो, क्यूशू आ शिकोकू हवें। ई चारि गो दीप मिलके जापान क लगभग 98% क्षेत्रफल बनावे लें। होन्शू इनहन में सभसे बड़हन दीप हवे। जापान क राजधानी टोकियो हवे जेवन विश्व क सबसे ढेर जनसँख्या वाला शहर (शहरी संकुल) हवे। जापान जनसंख्या की हिसाब से विश्व क दसवाँ नंबर क देश हवे।

भूगोल

जापान प्रशांत महासागर में स्थित बा। एकर उत्तर-दक्खिन बिस्तार ओखोटस्क सागर से ले के दक्खिनी चीन सागर आ ताइवान ले बाटे।

होंशू सबसे बड़हन दीप हवे जेवना पर जापान क लगभग 80% जनसंख्या रहेले। एही दीप पर जापान क सबसे बड़ मैदान क्वान्टो मैदान बाटे। फ्यूजीयामा ज्वालामुखी आ टोकियो शहर भी एही दीप पर बा। जापान की जलवायु पर उत्तर-दक्खिन बिस्तार आ समुद्री स्थिति क परभाव लउकेला। क्यूरोशिवो आ क्यूराइल धारा क प्रभाव इहाँ की जलवायु आ मछली उद्योग पर पड़ेला। जापान क लगभग 66% क्षेत्र पर जंगल बा आ खाली 16% भाग खेती लायक बाटे।