अंतर्राष्ट्रीय महतारी भासा दिवस
Jump to navigation
Jump to search
अंतर्राष्ट्रीय महतारी भासा दिवस एक ठो बिस्वब्यापी सालाना मनावल जाये वाला दिवस हवे जे हर साल 21 फरवरी के भाषाई जागरुकता, भाषाई बिबिधता आ बहुभाषावाद के बढ़ावा देवे खातिर मनावल जाला। पहिली बेर एकरा मनावे के घोषणा यूनेस्को द्वारा 17 नवंबर 1999 के भइल आ यूनाइटेड नेशंस द्वारा जनरल असेंबली में 2008, जे भाषा सभ के अंतर्राष्ट्रीय साल रहल, में प्रस्ताव पारित क के आधिकारिक मान्यता दिहल गइल।
इतिहास
21 फरवरी 1952 के तत्कालीन पूरबी पाकिस्तान (वर्तमान बांग्लादेश) के ढाका शहर में बंगाली भाषा के समर्थन में प्रदर्शन करि रहल बिद्यार्थी लोग के पाकिस्तान सरकार द्वारा निर्ममता के साथ गोली मार दिहल गइल रहल। अपना भाषा खातिर शहीद होखे वाला एह बिद्यार्थी लोग के याद में ई दिवस मनावल जाला।
- टाइमलाइन
- 1952: एह दिवस के स्थापना के मूल घटना घटित भइल रहल।
- 1999: UNESCO द्वारा इंटरनेशनल मदर लैंगुएज डे (अंतर्राष्ट्रीय महतारी भासा दिवस) मनावे के दावा कइल गइल।
- 2000: अंतर्राष्ट्रीय महतारी भासा दिवस के उद्घाटन समारोह के आयोजन।
- 2001: दूसरा सालाना समारोह
- 2002: भाषाई-बिबिधता थीम, 3,000 खतरा में भासा सभ के साथ (नारा: इन दि गैलेक्सी ऑफ़ लैंगुएजेज, एवरी वर्ड इस अ स्टार - मने, भाषा रुपी गैलेक्सी में, हर शब्द एक ठो सितारा हवे।)
- 2003: चउथा सालाना जलसा
- 2004: बच्चा लोग-सिखावे के थीम के साथ मनावल गइल।[१]
- 2005: ब्रेल आ इशारा-भाषा
- 2006: भाषा आ साइबरस्पेस
- 2007: बहुभाषी शिक्षा
- 2008: अंतर्राष्ट्रीय भाषा साल
- 2009: दसवाँ सालाना समारोह
- 2010: इंटरनेशनल इयर फॉर दि रिप्रोचमेंट ऑफ़ कल्चर्स
- 2011: इन्फोर्मेशन आ कम्यूनिकेशन टेक्नोलॉजी
- 2012: महतारी भाषा में सिखावल आ इन्क्लूसिव शिक्षा
- 2013: महतारी भाषा में सिखावे खातिर किताब
- 2014: लोकल लैंगुएजेज फॉर ग्लोबल सिटिजनशिप: स्पॉटलाइट ओं साइंस
- 2015: इनक्लूजन इन एंड थ्रू एजुकेशन: लैंगुएज काउंट्स (पेरिस में जलसा)[२]
- 2016: क्वालिटी एजुकेशन, लैंगुएज(ज) ऑफ़ इंस्ट्रक्शन एंड लर्निंग आउटकम्स