अलफांसो (आम)

टेम्पलेट:Infobox cultivar अलफांसो या मराठी में हापुस भारतीय आम के एक ठो किसिम हवे। आम के ई किसिम मूल रूप से महाराष्ट्र के पच्छिमी इलाका के हवे आ अपना ख़ास रूप-रंग, सवाद आ सुगंध खातिर परसिद्ध बाटे।

एकर ई नाँव, पुर्तगाली जनरल अफोंसो दि अल्बकुर्क के नाँव पर रखल गइल हवे जे भारत में पुर्तगाली उपनिवेश स्थापित करे में आपन योगदान दिहलें। पुर्तगाली लोग कलमी आम पैदा करे खातिर आम के फेड़ में कलम बान्हे के तरीका बतावल लोग आ ओह जमाना में ई हापुस आम कोंकण तट पर महाराष्ट्र, गोवा, आ गुजरात के इलाका आ कुछ अन्य दक्खिन भारतीय राज्य सभ में उपजावल जाय।

अलफांसो आम कुछ ख़ास खर्चीला किसिम हवे आ अबो ई कोंकण तट के इलाका में सिंधुदुर्ग, रत्नागिरि आ रायगड जिला में उगावल जाला। एक ठो आम के वजन लगभग 150ग्राम से 300ग्राम के होला।

इहो देखल जाय

• दसहरी
• आम्रपाली
• लंगड़ा
• चौसा