आसाम में बाढ़
पूर्वोतर भारत के मैदानी राज्य आसाम में बाढ़ एगो हर साल आवे वाली प्राकृतिक आफत हवे।[१][२] मुख्य रूप से ब्रह्मपुत्र नदी आ बराक नदी अपने सहायिका नदिन के साथे रेगुलर आवे वाली एह बाढ़ खातिर जानल जालीं। हालाँकि, इनहन के कई गो सहायिका जे अरुणाचल प्रदेश आ मेघालय से आवे लीं, उनहन में अचानक आवे वाली बाढ़ (फ्लैश फ्लड) के घटना भी देखे के मिले ला। राष्ट्रीय बाढ़ आयोग के मूल्यांकन के हिसाब से आसाम के लगभग 31.05 लाख हेक्टेयर जमीन बाढ़ से परभावित होखे के संका वाली बा जे एह राज्य के कुल रकबा के 39.58 % बाटे; जबकि पूरा भारत में कुल रकबा के खाली भर 10 % के लगभग बा। एह तरीका से पूरा भारत भर के बाढ़ के संका वाला एरिया के 9.4 % एरिया अकेल्ले आसामे में पड़े ला।[३]
अभिन हाले में, मई 2020 में, भारी बारिस के चलते ई खबर आइल की बाढ़ से लगभग 30,000 लोग परभावित हो गइल बा आ 5 जिला सभ में फसल बरबाद भ गइल बा।[४][५] बाकी मामिला एहिजे ना रुकल आ अक्टूबर 2020 ले कुल पचास लाख (5 मिलियन) लोग बाढ़ के चपेट में आइल, 123 लोगन के जान गइल आ 26 लोग जमीन भहराए से मुअल; कुल 5,474 गाँव सभ एह बाढ़ से परभावित भइलेन आ करीबन डेढ़ लाख लोगन के शरणार्थी कैंप में असरा लेवे के परल।[६]
कारण संपादन करीं
जलवायु संपादन करीं
आसाम नम उष्णकटिबंधीय जलवायु वाला क्षेत्र में आवे ला। टेम्पलेट:Guwahati weatherbox