इंटरनेट ट्रोल

टेम्पलेट:About ट्रोल भा इंटरनेट ट्रोल अइसन ब्यक्ति होलें जे इंटरनेट पर लोगन के परेशान करे लें; खासतौर से सोशल मीडिया, न्यूज फोरम, कॉमन चैटरूम भा कौनों अउरी कॉमन चर्चा के जगह पर अभद्र कमेंट करे, मूल मुद्दा से बहकावे वाला कमेन्ट करे, गलत-सलत जानकारी के परचार करे आ भावनात्मक अपील करे भा कौनों खास ग्रुप के भड़कावे के काम करे लें। अइसन लोग के मकसद खाली मजा लेवे खाती परेशान कइल भी हो सके ला या फिर कौनों खास मकसद से भी अइसन काम क सके ला।

ट्रोल आ ट्रोलिंग (क्रिया) दुनों के शाब्दिक भावार्थ इंटरनेट पर चर्चा से जुड़ल रहल बा बाकी हाल में ऑनलाइन हरासमेंट के भी एह में शामिल कइल जा रहल बा।

भारत में हाल के समय में ई शब्द आ क्रिया चर्चा में रहल बा। कुछ लोगन के मोताबिक भारत में नरेंद्र मोदी के सत्ता में आवे के बाद से हिंदुत्ववादी वेबसाइट सभ के संख्या में बढ़ती देखल गइल बा आ अइसन ट्रोल सभ के संख्या भी बढ़ल बा जे हिंदुत्ववादी बिचारधारा से परभावित होखें; "हिंदुत्व ट्रोल्स" के नाँव से अइसन लोगन के समूह के संबोधित कइल गइल बा।