एड्रेनेलिन

टेम्पलेट:Drugbox एड्रेनेलिन (Adrenaline) जेकरा के एपिनेफ्राइन (Epinephrine) के नाँव से भी जानल जाला, एगो हार्मोन आ दवाई हवे। ई शरीर के विसरल फंक्शन, मने कि अपने आप संचालित होखे वाला अंदरूनी क्रिया सभ, जइसे कि साँस लिहल इत्यादि के रेगुलेट करे ला। शरीर में आमतौर प एकर उत्पादन एड्रेनेलिन ग्लैंड में होला आ कुछ मात्रा में ई मेडुला ऑब्लांगाटा के न्यूरान सभ द्वारा उत्पादित कइल जाला। ई हार्मोन के रूप में, लड़े-चाहे-भागे के रिस्पांस में बहुत महत्व के भूमिका वाला चीज हवे, मांसपेशी सभ में खून के बहाव बढ़ा के, दिल के धड़के के गति तेज क के, आँख के पुतरी में फइलाव ले आ के आ खून में शुगर के लेवल रेगुलेट क के ई आपन काम करे ला। ई हार्मोन कई जानवर सभ में पावल जाला आ कुक एक कोशिका वाला जीव सभ में भी मिले ला। पोलैंड के फिजियोलॉजिस्ट नेपोलियन सायबुल्सकी पहिली बेर एकरा के 1895 में आइसोलेट करे में सफल भइल रहलें।