एथनोलॉग

टेम्पलेट:Italic title टेम्पलेट:Infobox website

एथनोलॉग: लैंगुएजेज ऑफ़ दि वल्ड (टेम्पलेट:Lang-en; जेकरा Ethnoloɠue के इस्टाइल में लिखल जाला) सालाना छपे वाला एगो संदर्भ पब्लिकेशन हवे जे कागज पर आ ऑनलाइन दुनों रूप में छपे ला। ई पूरा दुनियाँ के जिंदा भाषा सभ के बारे में आँकड़ा आ जानकारी उपलब्ध करावे ला। ई पहिली बेर 1951 में छपल रहल, आ अब हर साल एसआइएल इंटरनेशनल संस्था द्वारा छापल जाला। ई संस्था एगो नॉन-प्राफिट ईसाई संस्था हवे। ए संस्था के मुख्य काम भाषा सभ के अध्ययन कइल आ उनहन के बारे में जानकारी आ आँकड़ा एकट्ठा क के सहेजल हवे; धार्मिक आ साक्षरता बढ़ावे के मकसद से। ई संस्था अमेरिका के डलास में मुख्यालय वाली बा आ एकर अउरी शाखा दुनियाँ भर में फइलल बाड़ी सऽ।

2020 तक ले, एथनोलॉग के वेब आधारित प्लेटफार्म पर 7,117 भाषा सभ के बारे में जानकारी मौजूद बा (ई एकर 23वाँ संस्करण हवे),^[१] जेह में बोले वाला लोगन के गिनती, लोकेशन, बोली सभ, भाषाई संबद्धता, ऑटोनिम (autonyms), ओह भाषा में बाइबिल के उपलब्धता, भाषा के दोबारा जिंदा करे खाती हो रहल कोसिस, आ Expanded Graded Intergenerational Disruption Scale (EGIDS) के इस्तेमाल क के भाषा के वायाबिलिटी (viability) के अनुमान के जानकार शामिल बाटे।^[२]^[३]