कामदेव

टेम्पलेट:Infobox deity काम भा कामदेव, हिंदू परंपरा में मानवीय प्रेम, आकर्षण आ कामुकता (सेक्सुअलिटी) के देवता हवें। अक्सर इनके चित्रण इनके पत्नी रति के साथे होला आ इनके अन्य नाँव सभ मदन, मन्मथ, मीनकेतु, कुसुमायुध आदि बाड़ें। कुछ कथा सभ में कृष्ण के बेटा प्रद्युम्न के कामदेवे के अवतार कल्पित कइल जाला। इनके बाहन सुग्गा हवे आ हथियार फूल के तीर-धेनुही। पुराणन में बर्णित कथा के अनुसार भगवान शिव द्वारा इनके जरा के भस्म क दिहल गइल रहे, एकरे बाद से ई अशरीरी रूप में हर पुरुष में निवास करे लें।

कामदेव के पूजा, माघ महीना के पंचिमी, मने कि बसंत पंचिमी से सुरू हो के चइत के पुर्नवासी ले चले ले, जेकरा के प्राचीन ग्रंथ सभ में मदनोत्सव कहल गइल बा। एही दौरान होली के तिहुआर भी पड़े ला आ एहू के मनावे में कामदेव के पूजा के बिधान हवे।