काला सागर

टेम्पलेट:Infobox sea काला सागर (टेम्पलेट:Lang-en; ब्लैक सी, शाब्दिक अरथ करिया सागर), भूमध्य सागर के एगो सीमांत सागर हवे जे यूरोप आ एशिया के बीचा में पड़े ला। ई बाल्कन के पूरुब में, पूरबी यूरोपीय मैदान के दक्खिन में आ दक्खिनी कॉकेशस आ अनातोलिया प्रायदीप के उत्तर में बाटे। एह में यूरोप के कई गो प्रमुख नदी गिरे लीं जइसे कि डेन्यूब, नीपर आ डॉन नदी। एकरे तीरे पर छह गो देस बाड़ें हालाँकि एकर थाला जहाँ ले के पानी एह में आवे ला ऊ कई गो अउरी देसन में फइलल बाटे।

काला सागर के कुल रकबा टेम्पलेट:Convert बाटे (बिना अजोव सागर के शामिल कइले) आ एकर अधिकतम गहिराई टेम्पलेट:Convert बा, आ कुल आयतन टेम्पलेट:Convert बाटे। एकरे किनारे के जमीन के ओर बढे पर तेजी से ऊँचाई बढ़े ले। एकरा दक्खिन में पोंटिक पहाड़ी क्षेत्र बा, पूरुब में कॉकेशस परबत के इलाका बा आ उत्तर में क्राइमिया के पहाड़ी इलाका बाड़ें। पच्छिमी किनारा के ओर छोट खन निचाई वाला बाढ़ मैदान वाला हिस्सा हवे। उत्तर में ई अजोव सागर से कर्च के जलजोड़ से जुड़ल बा जहाँ से पानी हासिल करे ला। दक्खिनी-पच्छिमी ओर एक ठो पातर जलजोड़ बास्पोरस हवे जे एकरा के मारमरा सागर से जोड़े ला आ एह ओर पानी के निकास होखे ला; मारमरा सागर अंत में खुद दार्दानेल्स जलजोड़ द्वारा एजियन सागर से जुड़े ला जे भूमध्य सागर के एगो उत्तरी भुजा निअर हवे। एजियन सागर के गम्हीर आ बेसी खारा पानी नीचे निचे काला सागर में बहे ला आ ऊपरी हिस्सा में कम खारा आ हलुक पानी काला सागर से एजियन सागर में जाला।