खुंबु पासांगल्हामु

टेम्पलेट:Infobox settlement खुम्बु पासांगल्हामु (टेम्पलेट:Lang-ne) नेपाल के प्रदेश संख्या 1 के सोलुखुम्बु जिला में स्थित सात गो गांवपालिका सभ में से एगो ह। खुमजुंग, नाम्चे आ जुबिंग के (1,5,7-9 नं. वार्ड) आ चौरिखर्क गांव विकास समिति सभ के मिला के इ गांवपालिका के गठन करल गईल रहल। 2011 नेपाल सेंसस के हिसाब से इ गांवपालिका के कुल जनसंख्या 9,133 बा आ कुल क्षेत्रफल टेम्पलेट:Convert बाटे। चौरिखर्क में इ गांवपालिका के मुख्यालय स्थित बा।

पहिले, खुमजुंग, नाम्चे, जुबिंग आ चौरिखर्क सभे सोलुखुम्बु जिला के अलग अलग गांव विकास समिति रहल।

नाम

खुम्बु पासांगल्हामु सोलुखुम्बु जिला में स्थित बा, सोलुखुम्बु नाम में भी "खुम्बु" शब्द देखल जा सकत बा। सोलुखुम्बु "सोलु" आ "खुम्बु" शब्द के मिलला से बनल बा। "सोलु" के मतलब होला सोलुखुम्बु जिला के निचला भाग आ "खुम्बु" के मतलब होला उपरला भाग। "पासांगल्हामु" शब्द लिहल गइल बा पासांग ल्हामु शेर्पा से, पासांग ल्हामु शेर्पा नेपाल के पहिलकी महिला रहली जे माउंट एवरेस्ट शिखर पर चढ़ल रहली।

भूगोल आ हवा-पानी

खुम्बु पासांगल्हामु निर्देशांक 27.74° उत्तरी 86.73° पूर्वी अक्षांश अउर देशांतर पर स्थित बा। इ प्रदेश के सबसे उत्तरी हिस्सा में स्थित बा, जहां के धरातल बहुत उंच बा, इ उच्च-हिमालय के हिस्सा ह। खुम्बु पासांगल्हामु के भौगोलिक अवस्था बहुत कठिन बा। इ क्षेत्र विश्व के बहुत ऊंचाई वाला क्षेत्र ह। इ क्षेत्र के न्यूनतम ऊंचाई टेम्पलेट:Convert बा, जबकि अधिकतम ऊंचाई टेम्पलेट:Convert बा। गांवपालिका के कुल क्षेत्रफल टेम्पलेट:Convert बा, एहीसे इ गांवपालिका फाक्तांगलुंग (ताप्लेजुंग जिला) के बाद प्रदेश संख्या 1 के दुसरका सब से बड़हन (क्षेत्रफल के हिसाब से) गांवपालिक ह।

लहोत्से, नुपत्से, चोयु, आमा डाबलाम, पुमोरी, थामशेर्कु इत्यादि उच्च शिखर इ क्षेत्र में स्थित बाड़ी सभ। खरीखोला, लुक्ला, मंजु, नाम्चे, खुमजुंग, खुण्डे, टेंगबोचे, फोरचे, पांगबोचे, फिरिचे आदि इ क्षेत्र में स्थित मानव बस्ती ह।

खुम्बु पासांगल्हामु के भूगोल एक समान समतल नइखे, एकर ऊंचाई 2000मि से लेकर 8848 मि तक बा, एहीसे ई क्षेत्र के हवा-पानी में बहुते भिन्नता बा। ऊंचाई में क्रमिक वृद्धि के कारण, इ क्षेत्र के हवा-पानी के चार जलवायु क्षेत्र में बाँटल जा सकत बा। जलवायु क्षेत्र में जंगली निचला क्षेत्र, अल्पाइन (उंच पहाड़ी) झाड़ी वाला क्षेत्र, ऊपरी अल्पाइन क्षेत्र जहां पेड़-पौधा सीमित मात्रा में होला आ आर्कटिक (बर्फीला) क्षेत्र। एहि से अलग अलग ऊंचाई या क्षेत्र में तापमान आ मौसम के स्थिति में भिन्नता बा। सबसे ऊपरी क्षेत्र बरफ से ढकल होखला के वजह से उहाँ ठंड बहुत अधिक बा, वइसे ही निचला क्षेत्र के घाटी कुल में ठंड कुछ कम बा। टेम्पलेट:Weather box टेम्पलेट:Gallery