ग्रेटा थनबर्ग

टेम्पलेट:Infobox person ग्रेटा टिनटिन एलिनोरा अर्नमैन थनबर्ग (टेम्पलेट:Lang-en)टेम्पलेट:Efn टेम्पलेट:Post-nominals (जनम 3 जनवरी 2003) जलवायु बदलाव के ले के एगो स्वीडिश पर्यावरणी एक्टिविस्ट बाड़ी जिनके आंदोलन के इंटरनेशनल पहिचान मिल चुकल बा। थनबर्ग पब्लिक में आ राजनीतिक अमला सभ में अपना सीधा-सीधा आ तेज बोले वाली पहिचान खातिर जानल जाली जेह में ई जलवायु बदलाव के एगो संकट के रूप में घोषित करे लीं।

थनबर्ग के पहिली बेर पहिचान अगस्त 2018 में, पनरह बरिस के उमिर में मिलल, जब ऊ आपन इस्कूल छोड़ के स्वीडन के संसद के सोझा अकेले हड़ताल-पर्दर्शन करे सुरू कइली। उनुका हाथ में एगो बोर्ड रहल जेह पर स्वीडिश भाषा में "जलवायु खातिर इस्कूल हड़ताल" लिखल रहे आ एकर मकसद बैस्विक ताप बढ़ती पर बेसी जोरदार कारवाई के मांग कइल रहे। जल्दिये अउरी बिद्यार्थी एह आंदोलन से जुड़े लगलें आ फ्राइडे फॉर फ्यूचर (भबिस्य खातिर शुक) के नाँव से इ मोहीम परसिद्ध भइल। 2018 के यूनाइटेड नेशंस जलवायु बदलाव कांफ्रेंस में थनबर्ग के संबोधन के बाद दुनिया में कहीं न कहीं हर शुक के बिद्यार्थी लोग ई हड़ताल मनावे लागल। 2019 में कम से कम दू गो अइसन बेवस्थित हड़ताल के आयोजन दर्ज कइल गइल जेह में लाखन बिद्यार्थी हिस्सा लिहलें। अपना घर में थनबर्ग परिवार के लोग के इ समझवली की ब्याक्तिगत स्तर पर जलवायु बदलाव खाती कदम उठावल जा सके ला, एह में आपन कार्बन फुटप्रिंट घटावे खातिर हवाई यात्रा आ मीट खाइल छोड़े नियर कदम रहे। टेम्पलेट:Clear

शुरुवाती जीवन

ग्रेटा थनबर्ग क जनम 3 जनवरी 2003 के स्टॉकहोम, स्वीडन, में भयल रहे। उनकर माई मलेना अर्नमैन एगो ओपेरा गायिका बाड़ीं आऊर बाबूजी स्वान्ते थनबर्ग एगो अभिनेता बाड़ैं। उनकर दादा अभिनेता आऊर निर्देशक ओलोफ़ थनबर्ग रहलें।