चांग'ई 5

टेम्पलेट:Infobox spaceflight चांग'ई 5 (अंगरेजी: Chang'e 5; टेम्पलेट:Zh) एगो चीनी चंद्रमा खोजी मिशन बा जेह में मानवरहित अंतरिक्षबिमान चंद्रमा के सतह पर उतारे के योजना बा। प्रोजेक्ट पर वर्तमान में कामकाज चालू बा आ साल 2018 में एकरे लांच के उमेद बा। पहिले एकरा के 2017 के अंत में लांच करे के योजना रहल बाकी अब ई टार दिहल गइल बा। चांग'ई 5 चीन देस के पहिला अइसन चंद्रमा मिशन बा जे चंद्रमा से कुछ नमूना उठा के वापिस धरती पर ले आई। उमेद कइल जा रहल बा की कम से कम 2 किलो वजन के माटी आ चट्टान उहाँ से ई ले के लवटी। अपना से पहिले के मिशन सभ के नियर एहू मिशन के नाँव चीनी देवी चांग'ई के नाँव पर रखल गइल बा जे उहाँ चंद्रमा के देवी रूप मानल जाली। ई लूना 24, जवन की 1976 में छोड़ल गइल रहे, के बाद से अबतक ले के पहिला नमूना ले के लवटे वाला मिशन होखी।

ईहो खबर बा की ई अंतरिक्षबिमान चंद्रमा के ओह तरफ के सतह पर उतरी जवन की पृथ्वी से देखलाई ना परे ला।