जिलेट माक3
जिलेट माक3 (Mach3) सेफ्टी रेजर के सीरीज हवे जेकर उत्पादन 1998 में सुरू भइल। तीन-ब्लेड वाला ई डिजाइन के मार्केटिंग एह बात खातिर कइल गइल कि एकरा से दाढ़ी बनावे में कम प्रेशर आ कम बेर रगड़े में काम चल जाई। एह डिजाइन पर अउरी कई गो मॉडल आइल आ अब औरतन खातिर वीनस नाँव के मॉडल भी बजार में मौजूद बा।
एनाउंसमेंट आ बजार में उतारल[संपादन करीं | स्रोत संपादित करीं]
जिलेट कंपनी एह रेजर के एनाउंसमेंट 14 अप्रैल 1998 के कइलस,[१] आ ई लगभग $750 मिलियन के रिसर्च आ डेवेलपमेंट लागत के बाद कइल गइल एनाउंसमेंट रहे।[२]
जिलेट एकरा खातिर अगिला दू बरिस में कुल $300 मिलियन लागत के परचार (एडवरटाइजिंग) के प्लान कइले रहे।[१][३] जिलेट द्वारा एह रेजर के मार्केटिंग एह बात पर जोर दे के कइल गइल कि एह तीन ब्लेड वाला सिस्टम से कम दबाव आ कम बेर रगड़े में दाढ़ी बनावल जा सके ला, मने कि चेहरा के चमड़ी पर कम इरीटेशन होखी। उत्तर अमेरिका में ई रेजर जून 1998 में बजार में उतारल गइल।[४] यूरोप के बाजार में ई सितंबर 1998 में बिकाए शुरू भइल।[५]
लागत आ फायदा[संपादन करीं | स्रोत संपादित करीं]
जिलेट के एह रेजर पर प्रोफिट के मार्जिन बहुत [६] जून 2009 में, जिलेट कंपनी के एह एक ब्लेड के बनावे में लगभग US$0.10 के लागत आवत रहल, आ कस्टमर लोग जब एकरा के स्टोर आ दुकान में खरीदें तब लोग के लगभग 48 गुना दाम देवे के पड़े।[६]
माक3 सिरीज[संपादन करीं | स्रोत संपादित करीं]
माक3 सीरीज के अउरी मॉडल सभ बाड़ें जिनहन में माक3टर्बो आ माक3 पॉवर नाइट्रो बाड़ें। कंपनी के अनुसार माक3 पावर नाइट्रो के ब्लेड सभ पर हीरा-जइसन कार्बन के कोटिंग कइल जाले जवना से की एकर धार ढेर दिना ले तेज बनल रहे।[७] ई तीनों किसिम के ब्लेड सभ आपस में बदल के इस्तेमाल कइल जा सके लें, मने कि तीनों के डंडी एकही किसिम के होखे ले।
वीनस सिरीज[संपादन करीं | स्रोत संपादित करीं]
जिलेट कंपनी के वीनस नाँव के सीरीज के रेजर सभ औरतन खातिर बजार में उतारल गइल बाड़ें आ ई माक3 पर आधारित हवें। वीनस नाँव वाला रेजर माक3 पर आधारित हवे, वीनस डिवाइन जवन बा ऊ माक3टर्बो पर आधारित हऽ आ वीनस वाइब्रेंस नाँव वाला रेजर माक3 पावर नाइट्रो पर आधारित हवे। वीनस मॉडल सभ के ग्रिप आ लंबाई, औरतन के सुबिधा के हिसाब से मूल माक3 सीरीज वालन से कुछ अलग किसिम के रखल गइल बाटे।
संदर्भ[संपादन करीं | स्रोत संपादित करीं]
बाहरी कड़ी[संपादन करीं | स्रोत संपादित करीं]
- ↑ १.० १.१ "Gillette unveils three-bladed razor". Associated Press. April 14, 1998.
- ↑ टेम्पलेट:Cite news
- ↑ Estrin, Robin (September 28, 1998). "Gillette to lay off 4,700 workers as part of reorganization". Associated Press.
- ↑ "Gillette Earnings Up 11 Percent". Associated Press. July 16, 1998.
- ↑ "Gillette sets Mach3 launch". CNN Money. CNN. April 14, 1998. Retrieved September 25, 2017.
- ↑ ६.० ६.१ टेम्पलेट:Cite news
- ↑ टेम्पलेट:Cite book