टाम क्रूज
टेम्पलेट:Infobox person टॉम क्रूज़ (Thomas Cruise Mapother IV, जनम 3 जुलाई 1962), एगो अमेरिकी एक्टर आ प्रोड्यूसर बाने। इनके तीन बेर एकेडमी अवार्ड खाती नामांकन भइल बा आ तीन गो गोल्डन ग्लोब अवार्ड जितले बाने। क्रूज 19 बरिस के उमिर में फिलिम एंडलेस लव से आपन कैरियर के सुरुआत कइलेन।
1996 से क्रूज के मिशन इंपासिबल फिलिम सीरीज में ईथन हंट के किरदार खाती जानल जाला, एह सिरीज के सभसे नया फिलिम मिशन इंपासिबल - रोग नेशन साल 2015 में रिलीज भइल रहे।
साल 2012 में क्रूज हॉलीवुड के सभसे ढेर कमाई करे वाला एक्टर रहलें।[१] इनके सोरह गो फिलिम अमेरिका में $10 करोड़ से ढेर के कमाई आ तेईस गो फिलिम सभ पूरा दुनिया में $20 करोड़ से ढेर के कमाई क चुकल बाड़ी स।[२] सितंबर 2017 ले क्रूज के फिलिम अमेरिका आ कनाडा के बाक्स ऑफिस पर $3.7 बिलियन आ दुनिया भर में $9.0 बिलियन से ढेर के कमाई क चुकल बाड़ी स,[३] एह तरीका से क्रूज अमेरिका के आठवाँ सभसे कमाऊ आ दुनिया के कुछ सभसे ढेर कमाऊ एक्टर लोग में शामिल बाने।[४]
साल 1990 में आइल फिलिम बॉर्न ऑन दि फोर्थ ऑफ जुलाई में बेस्ट परफार्मेंस खाती; 1997 में जेरी मैगुरी में बेस्ट परफार्मेंस एक्टर; आ 2000 में मैग्नोलिया खाती सपोर्टिंग रोल में बेस्ट परफार्मेंस खाती इनके गोल्डन ग्लोब अवार्ड मिलल। साल 2002 में इनके वनीला स्काई फिलिम खाती सैटर्न अवार्ड फॉर बेस्ट एक्टर मिलल। 2003 में इनकर फिलिम लास्ट समुराई के अमेरिकी फिलिम इंस्टीट्यूट के मूवी ऑफ दि इयर अवार्ड मिलल। एही साल, माइनारिटी रिपोर्ट खाती इनके एंपायर अवार्ड फॉर दि बेस्ट एक्टर भी मिलल।
संदर्भ संपादन करीं
बाहरी कड़ी संपादन करीं
- टेम्पलेट:Official website
- Tom Cruise on Twitter
- Tom Cruise on Facebook
- टेम्पलेट:Mojo name
- Tom Cruise on WorldCat (libraries)
- टेम्पलेट:IMDb name