ड्रमलिन

Error creating thumbnail: फाइल गायब बा

ओंटैरियो झील के लगे एगो ड्रमलिन मैदान (फील्ड)

ड्रमलिन ग्लेशियर वाला इलाका में, ग्लेशियर से होखे वाला जमाव के दौरान बने वाला एगो थलरूप हऽ। एह शब्द के उत्पत्ती आयरिश भाषा से भइल हवे आ एकर शाब्दिक अरथ होला 'एक दिसा में लमछर पहाड़ी'। ई ड्रमलिन सभ ग्लेशियर से होखे वाला जमाव (डिपोजीशन या निक्षेप) से बने लें आ इनहन के आकृती उल्टा चम्मच या फिर जमीन में दबाइल अंडा नियर होखे ला; एक ओर से ढाल तेज होला जबकि दुसरे ओर के ढाल तुलना में मंद होखे ला। ई सीधा सीधा लम्छर भी हो सके लें आ पैराबोला के आकृति में हो सके लें या फिर अउरी कौनों आकृति के भी हो सके लें अगर इनहन के लंबाई वाला लाइन के देखल जाय।

आमतौर पर ड्रमलिन सभ के लंबाई 1 से 2 किलोमीटर होला आ ऊँचाई लगभग 50 मीटर जबकि इनहन के चौड़ाई 300 से 600 मीटर के आसपास होखे ला। इनहन के रचना मुख्य रूप से ग्लेशियरी टिल से होला आ ई ग्लेशियर सभ के किनारे वाला हिस्सा में पावल जालें।