ताना भगत आंदोलन

टेम्पलेट:Infobox event ताना भगत आंदोलन (1914-1920) भारतीय राज्य बिहार के छोटा नागपुर इलाका, वर्तमान झारखंड में, के आदिवासी समुदाय ताना भगत आ उराँव लोग के एगो आंदोलन रहल जेह में ब्रिटिश सत्ता के खिलाफ सत्याग्रह कइल गइल आ अहिंसक आंदोलन कइल गइल। एह आंदोलन के अगुआ जतरा उराँव रहलें जे नया पंथ चलवलें आ ई लोग ताना भगत कहाए लागल।

ताना भगत लोग ब्रिटिश सरकार के बिरोध कइल आ टैक्स देवे से मना क दिहल। भारतीय आजादी के आन्दोलन सभ में ई पहिला सत्याग्रह (सिविल डिसऑबीडिएंस) के नमूना रहल, इहाँ तक कि गाँधी के सत्याग्रह से भी पहिले अइसन आंदोलन इहे लोग कइल। ई लोग जमींदार, बनिया, मिशनरी, मुसलमान आ ब्रिटिश सरकार के बिरोध कइल। 1920-21 में गाँधीजी इहाँ राँची अइलें आ ताना भगत लोगन से संपर्क भइल आ ई लोग गाँधी जी के अनुयाई बनत गइल।