थलभीतरी बेसिन
एंडोरेइक बेसिन चाहे थलभीतरी बेसिन (शब्दउत्पत्ती:टेम्पलेट:Lang-grc, एंडॉन, "अंदर" आ टेम्पलेट:Lang, रे'इन, "बहाव"; अंगरेजी उच्चारण: ऎंडोरी'इक बेसिन) एगो अइसन बंद बहाव थाला होला जवना में नद्दी-नाला सभ आके एगो अइसन जगह पर पानी छोड़े लें जहाँ से बाहर की ओर दुसरा नद्दी या समुन्दर में कौनों अउरी निकास-बहाव ना होला। समुन्द्र में बहाव वाला बेसिन के बिपरीत इनहन के पानी या के निकास बहाव के रूप में ना होला बलुक पानी या त भाप बन के उड़ जाला या फिन जमीन के अंदर सरवत के चल जाला।[१]
नाँव उत्पत्ती[संपादन करीं | स्रोत संपादित करीं]
अंगरेजी के शब्द हवे Endorheic basin जेकर उच्चारण होला टेम्पलेट:IPAc-en; ऎंडोरी'इक बेसिन; आ एकरा के endoreic basin भा endorreic basin के रूप में भी अंगरेजी में लिखल जाला। देवनागरी लिखाई में लिखत घरी कई लोग एकरा के गलती से एंडोरहिक बेसिन लिखे आ ओही अनुसार पढ़े ला।
अंगरेजी के शब्द ऎंडोरी'इक के उत्पत्ती टेम्पलेट:Lang-grc, एंडॉन, "अंदर" आ चाहे भीतर, आ टेम्पलेट:Lang, री'इन, "बहाव" के मिले से भइल हवे।
हिंदी में एकरा के कभी बंद जलसम्भर चाहे समावृत जलसम्भर कह दिहल जाला; हालाँकि, जलसंभर के प्रयोग एक़ुइफ़र भा एक्विफर खाती होला जे जमीन के भीतर नीचे वाला पानी के छेत्र खाती इस्तेमाल होखे ला।
इहो देखल जाय[संपादन करीं | स्रोत संपादित करीं]
- अंदरूनी सागर चाहे थलभीतरी सागर (inland see, इनलैंड सी)
- थलभीतरी डेल्टा
- नदी थाला
- जल बिज्ञान