प्रकाश-बरिस

टेम्पलेट:Infobox unit प्रकाश-बरिस दूरी नापे के एगो इकाई हवे जे खगोलीय नाप के कामे आवे ले। एक प्रकाश-बरिस लगभग 9.46 ट्रिलियन किलोमीटर के बराबर या फिर 5.88 ट्रिलियन मील के बरोबर होला। इंटरनेशनल एस्ट्रोनॉमिकल युनियन (आइएयू) के परिभाषा के मोताबिक प्रकाश एक जूलियन बरिस (365.25 दिन) में जेतना दूरी तय करे ला उहे एक प्रकाशबरिस हवे। कई बेर एह नाँव में "बरिस" शब्द के देख के कुछ लोगन के भरमाव हो जाला कि ई कौनों समय के नाप के इकाई हवे, हालाँकि, अइसन बेल्कुल नाहीं बा।

अक्सरहा एह इकाई के इस्तेमाल स्टेलर स्केल (तारा के पैमाना) पर, मने कि कौनों गैलेक्सी में तारा सभ के आपस में दूरी बतावे खाती इस्तेमाल होला। उदाहरण खातिर हमनी के लोकल गैलेक्सी आकाशगंगा में मौजूद तारा सभ हमनी के सौरमंडल के तारा आ केंद्र सुरुज से कतना दूर बाने ई जानकारी एही इकाई में बतावल जाले। सभसे नगीचे मौजूद तारा प्रॉक्सिमा सेंचुरी हमनी के सुरुज से लगभग 4.2 प्रकाश-बरिस के दूरी पर बा।